Lucy i Faenem Trutok

Yang gel i openem doa blong letem wan grup blong ol man oli go insaed taem wan woman i stap sidaon mo stap somap

Wan dei, Lucy Morely we i gat 15 yia i stap helpem neba blong hem, Abigail Daniels blong somap kaliko. Taem tufala i stap wok, tri misinari i noknok long doa. Oli talem se Jisas Kraes i sendem olgeta blong serem wan mesej.

Woman we i stap sidaon mo stap somap i mekem fes blong hem i nogud taem ol man ia i stap toktok long ol yang gel ia.

Ol man ia oli talem long Abigail mo Lucy se Jisas i singaotem Josef Smit blong kam wan profet. Oli talem long tufala tu abaot Buk blong Momon.

Woman we i kros i ronemaot ol man ia long haos blong hem.

Lucy i sek, Abigail i kros. Hem i mekem ol misinari oli aot long haos blong hem.

Ol man ia oli lukluk i gobak taem gel ia oli stap ron bihaen long olgeta

Lucy i save se ol misinari ia oli ol wokman blong God. Hem i talem long olgeta blong visitim ol famli blong hem long rod ia godaon.

Ol man ia long tebol wetem gel mo famli blong hem

Ol misinari oli go long haos blong famli Morley. Papa mo mama blong Lucy i invaetem ol misinari blong tijim olgeta mo ol fren blong olgeta.

Gel i stap putum tawel raon long solda blong wan woman taem wan narawan i stap baptaes long wan reva long bakraon.

Long naet ia, 17 pipol oli bin kasem baptaes. Sam dei i pas, 50 moa pipol oli lisin long ol misinari mo oli kasem baptaes. Iven neba blong Lucy, Abigail i jenisim tingting blong hem. Hem mo hasban blong hem, wetem Lucy mo ol memba blong famli blong hem, oli jusum blong folem Jisas Kraes mo kasem baptaes.

wan stael pikja we oli yusum laen blong mekem droing blong emti tum

© 2025 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/19. Oli letem long translesen: 6/19. Translesen blong Evri Manis Fren Mesej, Epril 2024.. Bislama. 19631 852