Fare Priesthood nikan Sulweg Yarmen

Tomuren ni thapeg Joseph Smith fapi yungi gold plates, me tabab i pilyeg e thin riy. Oliver Cowdery e yoloey nga butt’ e pin’en nibe yoeg. Napan ni yow be muruwel, mar filew ni ba’adag Yesus ni gubin e gidii’ ni nge tawfe.

Joseph nge Oliver ni yow be lemnag ko mini’ e bay mat’won Got rok’ ni rayag ni nge tawfe nag e gidii’. Ere ranow ngalan fare luuway ngar meybil gow ngar fithew ngak Got.

Napan ni yow be meybil, me yibi m’ug ba angel. Me yeog ni’ir i John nima Tawfe, ni’ir e tawfe nag Yesus Kristus bukun e duw kafram. Me pi’ ngak Joseph nge Oliver fare Aaronic Priesthood ni ngeyag nira tawfe nigew e gidii’. Fare priesthood e ba mat’won nike yib rok’ Got. Yima fanay ni ngeyag ni tawa’ath nag pifak Got.

John nima Tawfe e yoeg ngak Joseph nge Oliver ni ngar tawfe gow. Ere ranow ngalan reb e luul’ mi yow tawfe nigew row. Napan nira sulew u fithik’ farengi rran, min suguy row ko fare Kan ni Thothup. Kari falfalaen’row!

Ta’aboch riy, maki yib boech e angel. Dalip ko fapi Apostles rok’ Yesus—Peter, James, nge John—era pi’ed fare Melchizedek Priesthood ngak Joseph nge Oliver. Chiney e rayag ni nge pi’ Joseph nge Oliver fare tawaʼath ko fare Kan ni Thothup ngak e gidii’.

Babyor ni Yima Achay Yaʼan

Yesus e riba’adag e Tang nibe yib u Gum’ircha’ey

Murwel rok’ Corey Egbert

Uw rogon ni gabe thamiy ko napan ni gabe yoen’ e tang ni mornga’agen Yesus Kristus?