Boperesiti bo Tsosolositswe

O ka bala polelo e mo Ditso—Joseph Smith 1:66–73 le Dithuto le Dikgolaganyo 27:12.

Joseph Smith a bua le Oliver Cowdery ka kakanyetso go supa Keresete a etela Banefi

Morago ga Joseph Smith a amogela dipapetlana tsa gauta, a simolola go di ranola. Oliver Cowdery a kwala fatshe se a se buang. Jaaka ba bereka, ba ithuta gore Jeso Keresete o batla mongwe le mongwe a kolobediwa.

Joseph Smith le Oliver Cowdery ba rapela mo sekgweng

Joseph le Oliver ba ne ba ipotsa gore ke mang yo a nang le thata ya Modimo go kolobetsa batho. Ba ya mo sekgweng go rapela le go botsa Modimo.

Moengele ka diatla tsa gagwe mo tlhogong ya ga Joseph Smith

Jaaka ba rapela, moengele a bonala. O ne a re ke ene Johane Mokolobetsi, yo o kolobeditseng Jeso Keresete bogologolo. O ne a neela Joseph le Oliver boperesiti jwa ga Arone gore ba kolobetse ba bangwe. Boperesiti ke Thata ya Modimo Bo dirisiwa go segofatsa bana ba Modimo.

Johane Mokolobetsi o ne a bolelela Joseph le Oliver gore ba kolobe. Ba ne ba ya kwa nokeng mme ba kolobetsana. Fa ba tswa mo metsing, ba ne ba tletse ka Mowa o o Boitshepo. Ba ne ba itumetse thata!

Baengele ba bararo ba beile diatla tsa bone mo tlhogong ya ga Joseph Smith

Morago, baengele ba bangwe ba tla. Baaposetole ba bararo ba ga Jeso Keresete—Petere, Jakobe, le Johane—ba ne ba neela Joseph le Oliver boperesiti jwa ga Melekiseteke. Jaanong Joseph le Oliver ba ne ba ka kgona go neela mpho ya Mowa o o Boitshepo go ba bangwe.