Prihsduhdo kepwurupwurdohr

Komw kak wadek soai wet nan Joseph Smith—History 1:66–73 oh Doctrine and Covenants 27:12.

Joseph Smith koasoakoasoieng Oliver Cowdery iren madamadau iou me kasalehda Krais pwarek irahil mehn Nihpai kan.

Mwurin Joseph Smith e alehdi pleit kohl kan, e tapiada kawewedi. Oliver Cowdery ntingidi dahme e koasoaiaier. Ni ara kin doadoahk, ira esehda me Sises Krais kupwurki koarusie en pepdaisla.

Joseph Smith oh Oliver Cowdery wie kapakap nan tuhkeko.

Joseph oh Oliver medewe ihs me ahniki manaman en pepdaisiala aramas. Ira kohla nan tuhkeko pwe ira en kapakap oh peki rahn Kauno.

Pehn tohnleng men ahpw kohdi pohn mwoangen Joseph Smith.

Ni ara wie kapakap tohnleng men pwarehng ira. Eh padakieng ira me ih iei John soun paptais, me paptaisihla Sises Krais mahso. E ketkiong Joseph oh Oliver Prihsduhd en Aaron pwe ira en kak pepdaisila ekei. Prihsduhd wet Iei Manaman en Koht. E wia mehn kapaiada Sapwelimen Koht serihkan.

Sohn tohn pepdais padahkieng Joseph oh Oliver en papdais. Ira kohla nan pihl ehu ira paptais ihla emen emen. Ni ansou me ira kohdahsang nan pihlo, ira direkihla Ngehn Sarawi. Ira udahn perenda!

Tohnleng silimen pwilikihdi perahil pohn mwongen Joseph Smith.

Mwurin ansou kis, ekei tohnleng pil pwaredo. Nein Sises Wahnpoaron Silimen—Peter, James, oh John—kieng Joseph oh Oliver Priesthood en Melkisedek. Oh met Joseph oh Oliver kak kihda kisakis en Ngehn Sarawi ohng ekei.

© 2025 sang Intellectual Reserve, Inc. Kolokol pwuhng koaros. Intingda nan Wehin Amerika. Kamanaman ong ni Lokaiahn Wai: 6/19. Kamanaman ong kawehwe: 6/19. Kawewe sang Padahk en ehu ehu sounpwung Kempoakepah , Mahs 2025. Pohnpeian. 19636 885