A Priesthood a Mla Moluut

Kau a sebechem el oiuii tial cheldecheduch el ngara Joseph Smith—History 1:66–73 ma Doctrine me a Covenants 27:12.

A Joseph Smith a melekoi el mora Oliver Cowdery lokiu er a lecheklel a teriobs lolecholt er a Kristo el loldingel er a re Nephites.

Nguriul er a Joseph Smith er a le ngai a kolt el baier, eng mocha muchel el lomult. A Oliver Cowdery a miluches a ikel lolekoi. Mal dak el loureor, e te mlo medengei el kmo a Jesus Kristo a soal a re bekl el chad a bol metecholb.

Joseph Smith ma Oliver Cowdery a meluluuch er a elsel oriomel

A Joseph me a Oliver a melbedebek el kmo ng techa oba klisiich el melecholb er a rechad. Te mlora elsel oriomel elmo meluluuch el loker er a Dios.

A anghel a blerek imal er a btelul a Joseph Smith

Sera loluluuch, e a anghel a dilum. Ng dilu el kmo ng Johanes el Techolb, el millecholb er a Jesus Kristo er a ngara mo el taem. Ng milsang a Joseph ma Oliver sel Aaronic Priesthood me bol sebecherir el melecholb er a re bebil. A priesthood a klisiich er a Dios. Ng usbechall lomekngeltengat er a rengelekel a Dios.

Joseph Smith el melecholb er a Oliver Cowdery.

A Johanes el Techolb a dilu er a Joseph me a Oliver me bol metecholb. Te mlo er a omeuachel e metecholb el terung. Sera bel tobed er a ralm, e te mle mui er a Chedaol Reng. Ng kmal mlo ungil a rengrir!

Tedei el anghel a omerek imorir er a btelul a Joseph Smith

Uriul, e a rebebil er a anghel a mlei. Tedei er tirkel Apostol er a Jesus Kristo—el Petrus, Jakobus, me a Johanes—a milsa Joseph me a Oliver a Melchizedek Priesthood. Chelecha ea Joseph me a Oliver a sebechir el mesterir a rebebil er a sengk er a Chedaol Reng.

© 2025 lokiu Intellectual Reserve, Inc.Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Klumech er a Bek el buil Sechelei, Ongedei el buil 2025.. Palauan. 19636 881