“Bonganganzambe ezongisami,” Moninga, Sanza ya misato 2025, 26–28
Etinda ya Sanza Moninga ,Sanza ya misato 2025
Bonganganzambe Ezongisami
Bokoki kotanga lisolo oyo na Joseph Smith—Lisolo 1:1–73 mpe Malongi mpe Mayokani 27:12.
Nsima ya Joseph Smith kozwa palaki ya wolo, abandaki kobongola yango. Oliver Cowdery akomaki makambo oyo alobaki. Ntango bazalaki kosala mosala, bayekolaki ete Yesu Klisto alingaki ete moto nyonso azwa libatisi.
Joseph mpe Oliver bamitunaki nani azalaki na nguya ya Nzambe mpo na kobatisa bato. Bakendeki na zamba mpo na kosambela mpe kosenga Nzambe.
Ntango bazalaki kobondela, anzelu moko abimaki. Alobaki ete azalaki Yoane Mobatisi, oyo abatisaki Yesu Klisto kala. Apesaki Joseph mpe Oliver Bonganganzambe ya Alona mpo ete bakoka kobatisa basusu. Bonganganzambe ezali nguya ya Nzambe Esalelamaka mpo na kopambola bana ya Nzambe.
Yoane Mobatisi ayebisaki Joseph mpe Oliver ete babatisama. Bakotaki na ebale moko mpe babatisanaki. Ntango babimaki na mayi, batondaki na Molimo Mosantu. Bazalaki na esengo mingi!
Na nsima, banzelu mosusu bayaki. Bantoma misato ya Yesu Klisto—Petelo, Yakobo, mpe Yoane—bapesaki Joseph mpe Oliver Bonganganzambe ya Melekisedeke. Sikawa Joseph mpe Oliver bakokaki kopesa likabo ya Molimo Mosantu na basusu.
Kopakola Langi na Lokasa
Yesu alingaka loyembo ya motema.
Elilingi na Corey Egbert
Boyyokaka ndenge nini ntango bozali koyemba mpo na Yesu Klisto?
© 2025 by Intellectual Reserve, Inc. All rights reserved. Ebetami na USA. Bondimami na lokota ya Angele: 6/19. Bondimami ya bobongoli: 6/19. Bobongoli ya Etinda ya Sanza Moninga, Sanza ya misato 2025. Lingala. 19636 639