“The Priesthood Is Restored,” Friend, March 2025, 26–28.
ຂ່າວສານປະຈຳເດືອນ Friend, ເດືອນມີນາ 2025
ຖານະປະໂລຫິດໄດ້ຖືກຟື້ນຟູ
ເຈົ້າສາມາດອ່ານເລື່ອງລາວນີ້ໄດ້ໃນ ໂຈເຊັບ ສະມິດ—ປະຫວັດ 1:66–73 ແລະ ຄຳສອນ ແລະ ພັນທະສັນຍາ 27:12.
ຫລັງຈາກທີ່ໂຈເຊັບ ສະມິດ ໄດ້ຮັບແຜ່ນຈາລຶກຄຳ, ເພິ່ນໄດ້ເລີ່ມແປມັນ. ອໍລີເວີ ຄາວເດີຣີ ໄດ້ຂຽນສິ່ງທີ່ເພິ່ນເວົ້າລົງໄວ້. ຂະນະທີ່ພວກເພິ່ນເຮັດວຽກຢູ່ນັ້ນ, ພວກເພິ່ນໄດ້ຮຽນຮູ້ວ່າ ພຣະເຢຊູຄຣິດຢາກໃຫ້ທຸກຄົນຮັບບັບຕິສະມາ.
ບັດນີ້ໂຈເຊັບ ແລະ ອໍລີເວີສົງໄສວ່າແມ່ນໃຜທີ່ມີອຳນາດຂອງພຣະເຈົ້າທີ່ຈະໃຫ້ບັບຕິສະມາແກ່ຜູ້ຄົນ. ພວກເພິ່ນໄດ້ເຂົ້າໄປໃນປ່າເພື່ອອະທິຖານ ແລະ ທູນຖາມພຣະເຈົ້າ.
ຂະນະທີ່ພວກເພິ່ນອະທິຖານຢູ່ນັ້ນ, ທູດສະຫວັນອົງໜຶ່ງໄດ້ມາປະກົດ. ເພິ່ນໄດ້ກ່າວວ່າເພິ່ນຄື ໂຢຮັນບັບຕິສະໂຕ, ຜູ້ທີ່ໃຫ້ບັບຕິສະມາແກ່ພຣະເຢຊູຄຣິດເປັນເວລາດົນນານມາແລ້ວ. ເພິ່ນໄດ້ມອບຖານະປະໂລຫິດແຫ່ງອາໂຣນໃຫ້ແກ່ໂຈເຊັບ ແລະ ອໍລີເວີ ເພື່ອວ່າພວກເພິ່ນຈະສາມາດໃຫ້ບັບຕິສະມາແກ່ກັນແລະກັນ. ຖານະປະໂລຫິດຄືອຳນາດຂອງພຣະເຈົ້າ. ມັນຖືກໃຊ້ເພື່ອໃຫ້ພອນແກ່ລູກໆຂອງພຣະເຈົ້າ.
ໂຢຮັນບັບຕິສະໂຕໄດ້ບອກໃຫ້ໂຈເຊັບ ແລະ ອໍລີເວີຮັບບັບຕິສະມາ. ພວກເພິ່ນໄດ້ລົງໄປໃນນ້ຳ ແລະ ໃຫ້ບັບຕິສະມາແກ່ກັນແລະກັນ. ເມື່ອພວກເພິ່ນຂຶ້ນມາຈາກນ້ຳ, ພວກເພິ່ນກໍເຕັມໄປດ້ວຍພຣະວິນຍານບໍລິສຸດ. ພວກເພິ່ນດີໃຈຫລາຍ!
ຕໍ່ມາ, ທູດສະຫວັນອົງອື່ນໆໄດ້ລົງມາ. ອັກຄະສາວົກທັງສາມຂອງພຣະເຢຊູຄຣິດ—ເປໂຕ, ຢາໂກໂບ, ແລະ ໂຢຮັນ—ໄດ້ມອບຖານະປະໂລຫິດແຫ່ງເມນຄີເສເດັກໃຫ້ແກ່ໂຈເຊັບ ແລະ ອໍລີເວີ. ບັດນີ້ ໂຈເຊັບ ແລະ ອໍລີເວີສາມາດມອບຂອງປະທານແຫ່ງພຣະວິນຍານບໍລິສຸດໃຫ້ແກ່ຄົນອື່ນ.
ໜ້າລະບາຍສີ
ພຣະເຢຊູມັກເພງຈາກໃຈ
ພາບປະກອບ ໂດຍ ໂຄຣີ ເອັກເບີດ
ເຈົ້າຮູ້ສຶກແນວໃດເມື່ອເຈົ້າຮ້ອງເພງກ່ຽວກັບພຣະເຢຊູຄຣິດ?
© 2025 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly Friend Message, March 2025. Laotian. 19636 331