“Pristut Uh Fohlohkihnyuckyak,” Kawuck, Mahs 2025, 26-28.
Pweng ke Mahlwem nuhkwewa ke Kawuck, Mahs 2025
Pristut Uh Fohlohkihnyuckyak
Kom kuh in riti sramsram soko inge ke Joseph Smith—History 1:66–73 and Doctrine and Covenants 27:12.
Tukun Joseph Smith el eis kol plwet ah, el muhtwacwacack in luhngas. Oliver Cowdery el sihmihs ma el fahk ah. Ke elos orekma, eltahl lotwelah lah Jisus Kraist el luhngse mwet nuhkwewa in pacptaislac.
Joseph ac Oliver motko lah suc kuh luhn God oasr yohroh in pacptaisi mwet uh. Eltahl som nuh insahk uh in pruhe siuck sin God.
Ke elos pruhe, sie lupufacn sikyak. El fahk muh el pa John the Baptist, suc pacptaisellah Jisus Kraist ke pacl loeloes somlah. El sang nuh sel Joseph ac Oliver Aaronic Pristut elos in kuh in pacptaisi mwet sahyac. Pristut uh pa kuh luhn God. El orekmakihnyuck in ahkinsewowoye tuhlihk nuhtin God.
John Pacptis el fahk nuh sel Joseph ac Oliver in pacptaislac. Eltahl tuhkweni som nuh infacl ah ac pacptaiselah sie sin sie. Ke eltahl tuhkuh liki kof ah, eltahl sesseslah ke Nguhn Muhtahl. Eltahl tuh arulacna engan!
Tok kuhtuh, kutuh pac lupufacn tuhkuh Tolu sin Mwet Sap luhn Jisus—Peter, James, ac John—sang Melchizedek Pristut nuh sel Joseph ac Oliver. Ingena Joseph ac Oliver kuh in sang mwe sang luhn Nguhn Muhtahl nuh sin mwet sahyac.
Sra Puk in Sroal
Jisus El Luhngse On luhn Insiac uh.
Ahkuhtweyucki sel Corey Egbert
Fuhkah puhla lom ke kom onkackuhnuhl Jisus Kraist uh?
© 2025 sin Intellectual Reserve, Inc. Suwohs nuhkwewa fihliyucki. Printiyucki fin acn USA. Ahkkweyeyucklac ke English: 6/19. Ahkkweyeyucklac ke lweng: 6/19. Lwenglah luhn Pweng ke Kawuck ke Mahlwem Nuhkwewa, Mahs 2025. Kosraean. 19636 868