Naisubli ti Priesthood

Mabalinmo a basaen daytoy nga estoria iti Joseph Smith—Pakasaritaan 1:66–73 ken Doktrina ken Katulagan 27:12.

Ni Joseph Smith a makisarsarita ken ni Oliver Cowdery nga addaan iti bula ti imahinasion a mangipakpakita ken ni Cristo a sumarsarungkar kadagiti Nephite

Kalpasan ti panangawat ni Joseph Smith kadagiti pinanid a balitok, rinugianna nga ipatarus dagitoy. Insurat ni Oliver Cowdery no ania ti insaona. Bayat ti panagtrabahoda, naammuanda a kayat ni Jesucristo a mabuniagan ti amin.

Da Joseph Smith ken Oliver Cowdery nga agkarkararag iti kakaywan.

Pinampanunot da Joseph ken Oliver no siasino ti addaan iti bileg ti Dios a mangbuniag kadagiti tao. Napanda iti kakaywan tapno agkararag ken agdamag iti Dios.

Ti anghel a naipatay dagiti imana iti ulo ni Joseph Smith

Bayat ti panagkararagda, nagparang ti maysa nga anghel. Kinunana nga isu ni Juan Bautista, a nangbuniag ken ni Jesucristo iti nabayagen a panawen. Intedna kada Joseph ken Oliver ti Aaronic Priesthood tapno makapagbuniagda kadagiti dadduma. Ti priesthood ti bileg ti Dios. Mausar daytoy a mangbendision kadagiti annak ti Dios.

Ni Joseph Smith a mangbumbuniag ken ni Oliver Cowdery

Imbaga ni Juan Bautista kada Joseph ken Oliver nga agpabuniagda. Napanda iti maysa a karayan ket nagbinnuniagda. Idi lumung-awda manipud iti danum, napnuanda iti Espiritu Santo. Nakaragragsakda!

Tallo nga anghel a mangipatpatay kadagit imada iti ulo ni Joseph Smith

Iti agangay, dimteng ti dadduma pay nga anghel. Tallo kadagiti Apostol ni Jesucristo—da Pedro, Santiago, ken Juan—ti nangted kada Joseph ken Oliver iti Melchizedek Priesthood. Ita mabalin nga ited da Joseph ken Oliver ti sagut ti Espiritu Santo kadagiti dadduma.

© 2025 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly Friend Message, March 2025. Ilokano. 19636 864