“Twb Muab lub Pov Thawj Hwj Txum Tim Rov Qab Los Lawm,” Phooj Ywg, Peb Hlis Ntuj 2025, 26–28.
Zaj Lus hauv Phooj Ywg Txhua Hli, Peb Hlis Ntuj 2025
Twb Muab lub Pov Thawj Hwj Txum Tim Rov Qab Los Lawm
Koj nyeem tau zaj dab neeg no nyob hauv Joseph Smith—Keeb Kwm 1:66–73 thiab Lus Qhuab Qhia thiab Kev Khi Lus 27:12.
Tom qab Joseph Smith txais cov phiaj kub, nws pib txhais lus. Oliver Cowdery sau tej yam uas nws hais. Thaum nkawd ua txoj hauj lwm no, nkawd kawm tias Yexus Khetos xav kom txhua tus ua kev cai raus dej.
Joseph thiab Oliver xav seb leej twg muaj Vajtswv lub hwj chim muab neeg ua kev cai raus dej. Nkawd nkag mus rau hauv koog ntoo kom thov Vajtswv thiab nug Nws txog qhov no.
Thaum nkawd thov Vajtswv, ib tug tim tswv tshwm sim. Nws hais tias nws yog Yauhas, tus uas tau muab Yexus Khetos ua kev cai raus dej puag thaum ub. Nws muab lub Pov Thawj Hwj Aloos rau Joseph thiab Oliver kom nkawd ib leeg muab ib leeg ua kev cai raus dej. Lub pov thawj hwj yog Vajtswv lub hwj chim Tib neeg siv lub hwj chim no kom pab Vajtswv cov me nyuam.
Yauhas tus uas Muab Neeg Ua Kev Cai Raus Dej hais kom Joseph thiab Oliver ua kev cai raus dej. Nkawd mus rau hauv ib tug dej thiab nkawd ib leeg muab ib leeg ua kev cai raus dej. Thaum nkawd tawm ntawm tus dej, nkawd muaj tus Vaj Ntsuj Plig Dawb Huv puv npo. Nkawd zoo siab heev!
Lwm lub sij hawm, muaj lwm cov tim tswv tuaj. Yexus Khetos peb tug thwj tim—Petus, Yakanpaus, thiab Yauhas—muab lub Pov Thawj Hwj Mekhixedes rau Joseph and Oliver. Tam sim no Joseph thiab Oliver muab tau lub txiaj ntsim Vaj Ntsuj Plig Dawb Huv rau lwm tus.
Phab Ntawv Tha Xim
Yexus Hlub Zaj Nkauj hauv Yus lub Siab
Cov duab los ntawm Corey Egbert
Koj xav li cas thaum koj hu nkauj txog Yexus Khetos?
© 2025 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly Friend Message, March 2025. Hmong. 19636 295