Ang Priesthood Ginpanumbalik

Mabasa mo ining istorya sa Joseph Smith—Kasaysayan 1:66–73 kag sa Doktrina kag mga Kasugtanan 27:12.

Si Joseph Smith nga nagahambal kay Oliver Cowdery nga ginapanumdum ang pagbisita ni Cristo sa mga Nefinhon

Pagkatapos nga nabaton ni Joseph Smith ang bulawan nga mga lamina, ginsugdan niya ang pag-translate sang mga ini. Ginsulat ni Oliver Cowdery ang iya ginahambal. Samtang ginahimo nila ini, natun-an nila nga gusto ni Jesus nga mabunyagan ang tanan.

Si Joseph Smith kag Oliver Cowdery nga nagapangamuyo sa kakahuyan

Gusto mahibal-an ni Joseph kag Oliver kon sin-o ang may gahum sang Dios sa pagbunyag sa mga tawo. Nagkadto sila sa kakahuyan kag nagluhod para mangamuyo kag mamangkot sa Dios.

Anghel nga ang iya mga kamot natungtong sa ulo ni Joseph Smith

Samtang nagapangamuyo sila, may anghel nga nagpakita. Siling niya nga sia si Juan Bautista, nga nagbunyag kay Jesucristo sang una nga panahon. Ginhatag niya kay Joseph kag Oliver ang Aaronic Priesthood para mabunyagan nila ang iban. Ang priesthood amo ang gahum sang Dios. Ginagamit ini para bugayan ang mga anak sang Dios.

Si Joseph Smith nga ginabunyagan si Oliver Cowdery

Ginsugo ni Juan Bautista si Joseph kag Oliver nga magpabunyag. Nagkadto sila sa suba kag ginbunyagan ang isa kag isa. Sang magtakas sila sa tubig, napuno sila sang Balaan nga Espiritu. Malipayon sila kaayo!

Tatlo ka anghel ang nagtungtong sang ila mga kamot sa ulo ni Joseph Smith

Sang ulihi, nag-abot ang iban pa gid nga mga anghel. Ginhatag sang tatlo ka Apostoles ni Jesucristo—si Pedro, Santiago, kag Juan—ang Mechizedek Priesthood kay Joseph kag Oliver. Karon pwede na makahatag si Joseph kag Oliver sang dulot sang Balaan nga Espiritu sa iban.

© 2025 iya sang Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly Friend Message, March 2025. Hiligaynon. 19636 861