Asɔfodzi No Wɔdze Asan Anan mu

Ibotum akenkan asɛm yi wɔ Joseph Smith—Abakɔsɛm 1:1-20 mu na Nkyerɛkyerɛ na Ahyɛmudzi 27:12.

Joseph Smith a ɔrekasa kyerɛ Oliver Cowdery a ɔrodwen Agyenkwa no ne nsera wɔ Nephifo no mu ho

Joseph Smith ne nsa kãa sika mprɛtse no ekyir no, ɔhyɛɛ ase dɛ ɔrekyerɛ ase. Oliver Cowdery kyerɛɛw dza ɔkãe no. Ber a wogu do ridzi dwuma no, wosũaa dɛ Jesus Christ pɛ dɛ wonuma obiara.

Joseph Smith na Oliver Cowdery a wɔrobɔ mpaa wɔ kwaa no mu

Joseph na Oliver dwendwenn nyia ɔwɔ Nyankopɔn no tum a wɔdze numa nkorɔfo ho. Wɔkɔr kwaa mu kɔbɔɔ mpaa na wobisa Nyankopɔn.

Ɔbɔfo a ne nsa gu Joseph Smith ne tsir do

Ber a wɔrobɔ mpaa no, ɔbɔfo bi puee. Ɔsee dɛ ɔno nye John Onumanyi, a onumaa Jesus Christ mber tsentsen a abasen kɔ no. Ɔmaa Joseph na Oliver Aaronic Aaron Asɔfodzi ama woeetum eenuma binom. Asɔfodzi no yɛ Nyankopɔn no tum Wɔdze hyira Nyankopɔn ne mba.

John Onumanyi no kãa kyerɛɛ Joseph na Oliver dɛ wonuma hɔnho. Wɔkɔr esutsen bi mu na wonumaa hɔn ho. Ber a wofii nsu no mu puee no, nna Sunsum Krɔnkrɔn no ahyɛ hɔn mã. Nna hɔn enyi agye ankasa!

Abɔfo baasa a wɔdze hɔn nsa rugu Joseph Smith ne tsir do

Nkyii, abɔfo binom so bae. Jesus Christ N’Asomafo no hɔn mu baasa—Peter, James, na John—dze Melchizedek Asɔfodzi no maa Joseph na Oliver. Sesei Joseph na Oliver botum dze Sunsum Krɔnkrɔn n’akyɛdze no ama binom.

© 2025 by Intellectual Reserve, Inc. All rights reserved. Wotsimtsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly Friend Message, March 2025 ne nkyerɛasee. Fante. 19636 502