Joseph Smith o Amogela Dipapetlana tsa Gauta

Dingwaga di le tharo morago ga Ponatshegelo ya Ntlha, Joseph Smith o ne a ikwatlhaela diphoso dingwe tse a neng a di dirile. O ne a rapela Rara wa Legodimong ka gone.

Fa Joseph a ntse a rapela, lesedi le ne la tlala mo ntlwaneng. O ne a bona moengele a eme mo phefong. Leina la moengele e ne e le Moroni.

Moroni o ne a re go ne go na le buka e e dirilweng ka ditsebe tsa gauta, kgotsa dipapetlana. E ne e fitlhilwe mo thabeng gaufi le legae la ga Joseph. Buka e ne e bua ka batho ba ba neng ba nna kwa Amerika bogologolo tala. Moroni o ne a re Modimo o tlaa thusa Joseph go ranola buka.

Joseph a ya kwa thabeng mme a fitlhela dipapetlana ka fa tlase ga lentswe le le bokete. Moroni o ne a tla mme a re Joseph o ne a ise a siamele go di tsaya.

Fa Joseph a setse a godile, Moroni o ne a kopana le ene mo thabeng mme a mo neela dipapetlana. Moroni o ne a bolelela Joseph go di boloka di babalesegile.

Joseph a simolola go ranolela dipapetlana mo Sekgoeng. O ne a dirisa didirisiwa tse di kgethegileng tse di tswang kwa Modimong go mo thusa. Buka e ne ya gatisiwa ka 1830 e le Buka ya ga Momone. E ruta ka ga Jeso Keresete le efangele ya Gagwe.

Tsebe ya go Taka

Ke Ka Nna Mosupi Gore Buka ya ga Momone e Boammaaruri.

Setshwantsho ka Corey Egbert

O ka thusa ba bangwe jang go ithuta ka Jeso Keresete mo Bukeng ya ga Momone?