Tē fa’ari’i ra Iosepha Semita i te mau ’api ’auro

E toru matahiti i muri a’e i te ’Ōrama mātāmua, ’ua ’oto roa Iosepha Semita nō te tahi mau hape tāna i rave. ’Ua pure ’oia i te Metua i te ao ra nō ni’a i te reira.

’A pure ai Iosepha, ’ua ’ī te māramarama i tōna piha. ’Ua ’ite ’oia i te hō’ē melahi e ti’a ra i roto i te aore. ’O Moroni te i’oa o teie melahi.

’Ua fa’a’ite Moroni ē, tē vai rā te hō’ē buka tei hāmanihia i te ’api ’auro ’aore rā i te pāpa’a parau ’auro. ’Ua hunahia te reira i roto i te hō’ē ’āivi, fātata i te fare o Iosepha. Te reira buka, nō ni’a ïa i te mau ta’ata tei ora na i Amerika e mea maoro i teienei. ’Ua parau Moroni ē, e tauturu te Atua ia Iosepha ’ia ’īriti i te buka.

’Ua haere Iosepha i ni’a i te ’āivi ’e ’ua ’itehia mai iāna te mau ’api i raro a’e i te hō’ē ’ōfa’i teiaha. ’Ua haere mai ’o Moroni nō te parau ē, ’aita Iosepha i ineine nō te rave i te reira.

I tō Iosepha pa’arira’a mai, ’ua fārerei te melahi Moroni iāna i ni’a i te ’āivi ’e ’ua hōro’a iāna i te mau ’api. ’Ua fa’aue ’o Moroni ia Iosepha ’ia pāruru i te reira.

’Ua ha’amata Iosepha i te ’īriti i te mau ’api nā roto i te reo Peretāne. ’Ua fa’a’ohipa ’oia i te mau mauha’a ta’a ’ē tā te Atua i fa’aineine nō te tauturu iāna. ’Ua nene’ihia te buka i te matahiti 1830 ’ei Buka a Moromona. Tē ha’api’i nei te reira i te parau nō Iesu Mesia ’e tāna ’evanelia.

ʼApi fa’a’ūraʼa

E nehenehe au e riro ’ei ’ite ē, e parau mau te Buka a Moromona

Fa’ahōho’ara’a nā Corey Egbert

Nāhea ’oe e tauturu ai ia vetahi ’ē ’ia ha’api’i nō ni’a ia Iesu Mesia i roto i te Buka a Moromona ?