“Sosep Smith Alehdi Pileit Kohl kan,” Kempoakepah, Pepuweri 2025, 26–28.
“I Kak Wia emen Sounkadehde Me Pwuhk en Mormon Mehlel,” Kempoakepah, Pepuweri 2025, 48.
Padahk en ehu ehu sounpwong Kempoakehpah Pepuweri 2025
Sosep Smith Alehdi Pileit Kohl kan
Kumwail kak wadek soai pwoatet nan Poadoapoad en—Sosep Smith 1:28–60.
Sounpar siluh mwurin Keieu en Kairoihro, Sosep Smith ahpw insensuwedkihla sapwung kei me e wiadahr. E kapakapkihong Sahm Nanleng.
Ni ansou me Sosep wie kapakap, marain ahpw kipehdi nan pereho. Sosep kilangadahr tohnleng men keskesihnen nan wehwe. Eden tohnlengo Moronai.
Moronai kosoiahieng me mie pwuhk ehu me wiawihkihda teh kohl kei, de pileit kei. E seridier pohn nahna ehu limwahn imwen Sosepo. Pwuhko pidada aramas ekei me kousoan nan America mahso. Moronai kosoia me Koht pahn ketin sewese Sosep kawehwehdi pwuhko.
Sosep kolahr ni dohlo oh diaradahr pileit kohl koa pahn takai toutou ehu. Moronai kodohr oh padahkiengehr Sosep me e saik kak ale pileit koa.
Ni ansou me Sosep laudlahr, Moronai tuhongehr Sosep pohn dohlo oh kiongehr pileit koa. Moronai ahpw ndahiengehr Sosep en nekidala mwahu.
Sosep tapiadahr kawehwe pileit koa ong ni lokaiahn Wai. E doadoahngkiher dipwisou en doadoahk kesempwal kei sang Koht pwe en sewese ih. Pwuhko ahpw wiawihdahr nan pahr 1830 [kid welipwiki silihsek] me iei Pwuhk en Mormon. E padahngki duwen Sises Krais oh Sapwellime rongamwahuo.
Tehn Pwuhk en koalor
I Kak Wia Sounkadehde Me Pwuhk en Mormon Mehlel
Mahlel sang Corey Egbert
Ia mwomwen amwail pahn kak sewese mehteikan en esehla duwen Sises Krais nan Pwuhk en Mormon?
© 2025 sang Intellectual Reserve, Inc. Kolokol pwuhng koaros. Intingda nan Wehin Amerika. Kamanaman ong ni Lokaiahn Inglis: 6/19. Kamanaman ong kawehwe: 6/19. Kawehwe pen Padahk en Kempoakepah ong ehu ehu Sounpwung, Pepuweri 2025. Pohnpeian. 19641 885