Joseph Smith a Ngmai a ikel Kolt el Tibereberk el Sintsyu

Edei rak ruriul er sel Kot el Ues, ea Joseph Smith a mle mekngit a rengul kirel a chebirukl el tekoi el riruul. Ng miluluuch el mo er a Chedam er a Babeluades el kirel.

Me sera Joseph loluluuch, ea llomes a mle soiseb er tial delmerab. Ng milsa a anghel el dechor er a melidiul. A ngklel ngkal anghel a Moroni.

Moroni a dilu el kmo ngarngii a hong el meruul er a kolt a llel babier, malechub eng sintsyu. Ng delakl er a bukl el ngar bita er a blil a Joseph. Tial hong a kirir a rechad el mle kiei er a Merikel sera irechar. Moroni a dilu el kmo a Dios a mo ngosukii a Joseph el mo oleiuid er tial hong.

Joseph a mlo er tial bukl e miltik a ikang el tibereberk el sintsyu el ngara cheungel a oberaod el bad. Moroni a mlei e dilu er a Joseph el kmo ngii a diak el keldmokl el mo ngmai a ikang.

Sera Joseph a lebo el klou el chad, ea Moroni a mlo mesang er tial bukl e ngilai a ikal el tibereberk el sintsyu el msang. Moroni a ulengit er a Joseph mel bol ungil kudmokl aikang.

A Joseph a mocha omuchel loleiuid aika el tibereberk el sintsyu el mo er a tekoi er a Merikel. Ngii a uluusbech a tokubets el donguu el mla er a Dios el mo olngeseu er Ngii. Tial hong a tilobed a omelchesel sera 1830 el Babier er a Mormon. Ngolsisechakl el kirel a Jesus Kristo me a ebangkelio er Ngii.

Babier lousbech a Kurreong

Ngak a Sebechek el mo Sioning el Kmo a Babier er a Mormon a Klemerang

Sunga mla er a Corey Egbert

Ke mekera el olngeseu er a rebebil el mo mesuub el kirel a Jesus Kristo el ngara chelsel a Babier er a Mormon?