“Joseph Smith Receives the Gold Plates,” Friend, February 2025, 26–28.
“I Can Be a Witness That the Book of Mormon Is True,” Friend, February 2025, 48.
ຂ່າວສານປະຈຳເດືອນ Friend, ເດືອນກຸມພາ 2025
ໂຈເຊັບ ສະມິດ ໄດ້ຮັບແຜ່ນຈາລຶກຄຳ
ເຈົ້າສາມາດອ່ານເລື່ອງລາວນີ້ໄດ້ໃນ ໂຈເຊັບ ສະມິດ—ປະຫວັດ 1:28–60.
ສາມປີຫລັງຈາກເຫດການພາບທີ່ມາໃຫ້ເຫັນຄັ້ງທຳອິດ, ໂຈເຊັບ ສະມິດ ຮູ້ສຶກບໍ່ດີກ່ຽວກັບຄວາມຜິດທີ່ເພິ່ນໄດ້ເຮັດ. ເພິ່ນໄດ້ອະທິຖານຫາພຣະບິດາເທິງສະຫວັນກ່ຽວກັບຄວາມຜິດນັ້ນ.
ຂະນະທີ່ໂຈເຊັບກຳລັງອະທິຖານຢູ່ນັ້ນ, ແສງສະຫວ່າງກໍສ່ອງເຕັມຫ້ອງ. ເພິ່ນໄດ້ເຫັນທູດອົງໜຶ່ງຢືນຢູ່ກາງອາກາດ. ທູດອົງນັ້ນຊື່ວ່າໂມໂຣໄນ.
ໂມໂຣໄນໄດ້ກ່າວວ່າ ມີໜັງສືທີ່ເຮັດຈາກໜ້າທີ່ເປັນຄຳ, ຫລື ແຜ່ນຈາລຶກ. ມັນຖືກຝັງໄວ້ໃນເນີນພູໃກ້ບ້ານຂອງໂຈເຊັບ. ໜັງສືເຫລັ້ມນັ້ນແມ່ນກ່ຽວກັບຜູ້ຄົນທີ່ເຄີຍອາໄສຢູ່ໃນອາເມຣິກາແຕ່ດົນນານມາແລ້ວ. ໂມໂຣໄນໄດ້ກ່າວວ່າ ພຣະເຈົ້າຈະຊ່ວຍໂຈເຊັບແປໜັງສືນັ້ນ.
ໂຈເຊັບໄດ້ໄປທີ່ເນີນພູ ແລະ ໄດ້ພົບແຜ່ນຈາລຶກຢູ່ກ້ອງກ້ອນຫີນໜັກກ້ອນໜຶ່ງ. ໂມໂຣໄນໄດ້ມາແລະ ບອກໂຈເຊັບວ່າ ເພິ່ນບໍ່ພ້ອມທີ່ຈະເອົາແຜ່ນຈາລຶກໄປເທື່ອ.
ເມື່ອໂຈເຊັບອາຍຸຫລາຍຂຶ້ນ, ໂມໂຣໄນໄດ້ມາພົບເພິ່ນຢູ່ທີ່ເນີນພູ ແລະ ມອບແຜ່ນຈາລຶກໃຫ້ເພິ່ນ. ໂມໂຣໄນໄດ້ບອກໃຫ້ໂຈເຊັບຮັກສາມັນໄວ້ໃຫ້ປອດໄພ.
ໂຈເຊັບເລີ່ມແປແຜ່ນຈາລຶກມາເປັນພາສາອັງກິດ. ເພິ່ນໄດ້ໃຊ້ເຄື່ອງມືພິເສດຈາກພຣະເຈົ້າເພື່ອຊ່ວຍເພິ່ນ. ໜັງສືດັ່ງກ່າວໄດ້ຖືກຈັດພິມໃນປີ 1830 ຊຶ່ງແມ່ນພຣະຄຳພີມໍມອນ. ມັນສິດສອນກ່ຽວກັບພຣະເຢຊູຄຣິດ ແລະ ພຣະກິດຕິຄຸນຂອງພຣະອົງ.
ໜ້າລະບາຍສີ
ເຮົາສາມາດເປັນພະຍານວ່າ ພຣະຄຳພີມໍມອນເປັນຄວາມຈິງ
ພາບປະກອບ ໂດຍ ໂຄຣີ ເອັກເບີດ
ເຈົ້າຈະສາມາດຊ່ວຍຄົນອື່ນໃຫ້ຮຽນຮູ້ກ່ຽວກັບພຣະເຢຊູຄຣິດໃນພຣະຄຳພີມໍມອນໄດ້ແນວໃດ?
© 2025 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly Friend Message, February 2025. Laotian. 19641 331