Joseph Smith El Eis Kol Plet ah

Yac tolu tukihn Aruhruhma Se Met ah, Joseoh Smith el puhla koluk ke kuhtuh tahfonglac el oraclah. El pruhe nuh sel Pahpah Lucng kac.

Ke Joseph el pruhe ah, kahlwem se nwacklah infuckihl sac. El liye sie lupufacn tu lucng. Inen lupufacn sac pa Moroni.

Moroni el fahk lah oasr puk se oreklac ke sra kol, kuh plet. Pihkihnyucki ke ohl soko sisken lohm sel Joseph ah. Puk sac ma ke mwet ma muhta Macrike ke pacl lwoelwoes somlah ah. Moroni el fahk lah God Elac kahsrwel Joseph luhngaslah puk sac.

Joseph el som nuhke ohl ah ac konwacack kol plet ah ye yot na toasr se. Moroni el tuhkuh ac fahk nuh sel Joseph lah el sonna ahkolah in usacltahllah.

Ke Joseph el mahtuhyak, Moroni el ohsun nuh sel fin ohl ah ac sang nuh sel plet ah. Moroni el fahk nuh sel Joseph elan liyacacng eltahl in sef.

Joseph el muhtwacwacack in luhngahs plet ah nuhke kahs English. El orekmakihn kuhfwen mwe orekma na sacohk tuhkuh sin God in kahsrwel. Puk sac oreklac ke 1830 ekihn Puk luhn Mormon. El luti ke Jisus Kraist ac wosasuc Lal.

Srapuk in sral

Nga Kuh In sie Mwet Loh Lah Puk luhn Mormon Pwacye

Ahkuhtweyac sel Corey Egbert

Kom ac kahsruh fuhkah mwet sahyac in lutlut kacl Jisus Kraist ke Puk luhn Mormon?