Awaten ni Joseph Smith dagiti Pinanid a Balitok

Tallo a tawen kalpasan ti Umuna a Parmata, dakes ti rikna ni Joseph Smith maipapan iti sumagmamano a biddut nga inaramidna. Nagkararag iti Nailangitan nga Ama maipapan iti daytoy.

Bayat ti panagkarkararag ni Joseph, pinunno ti lawag ti siled. Nakita ni Joseph ti maysa nga anghel a nakatakder iti tangatang. Moroni ti nagan ti anghel.

Kinuna ni Moroni nga adda libro a naaramid kadagiti panid a balitok wenno pinanid. Naikali daytoy iti maysa a turod iti asideg ti pagtaengan ni Joseph. Maipapan ti libro kadagiti tao a nagnaed iti America iti napalabas a nabayagen a panawen. Kinuna ni Moroni a tulongan ti Dios ni Joseph a mangipatarus iti libro.

Napan ni Joseph iti turod ket nasarakanna dagiti pinanid iti pandag ti nadagsen a bato. Immay ni Moroni ket kinunana a saan pay a nakasagana ni Joseph a mangala kadagitoy.

Idi natataenganen ni Joseph, nakipagkita ni Moroni kenkuana iti turod ket intedna kenkuana dagiti pinanid. Imbaga ni Moroni ken ni Joseph a pagtalinaedenna dagitoy a natalged.

Rinugian ni Joseph ti panangipatarus kadagiti pinanid a balitok iti English. Inusarna dagiti naisangsangayan a ramit manipud iti Dios a mangtulong kenkuana. Naipablaak ti libro idi 1830 kas ti Libro ni Mormon. Isurona ti maipapan ken ni Jesucristo ken ti ebangheliona.

Panid ti Panagkolor

Makabagbalinak a Maysa a Saksi a Pudno ti Libro ni Mormon.

Panangiladawan ni Corey Egbert

Kasano a matulongam dagiti dadduma a makasursuro maipapan ken ni Jesucristo iti Libro ni Mormon?