“Joseph Smith Txais cov Phiaj Kub,” Phooj Ywg, Ob Hlis Ntuj 2025, 26–28.
“Kuv Txawj Ua Tim Khawv txog Phau Ntawv Maumoos,” Phooj Ywg Ob Hlis Ntuj 2025, 48.
Zaj Lus hauv phau Phooj Ywg Txhua Hli, Ob Hlis Ntuj 2025
Joseph Smith Txais cov Phiaj Kub
Koj nyeem tau zaj dab neeg no nyob hauv Joseph Smith—Zaj Keeb Kwm 1:28–60.
Peb xyoo tom qab Thawj Zaug Ua Yog Toog, Joseph Smith nyuaj siab heev vim nws tau ua txhaum. Nws thov Leej Txiv Saum Ntuj Ceeb Tsheej txog qhov ntawd.
Thaum Joseph thov Vajtswv, qhov kaj puv nws chav pw. Nws pom ib tug tim tswv sawv saum huab cua. Tus tim tswv lub npe hu ua Maulaunais.
Maulaunais hais tias muaj ib phau ntawv uas yog cov phiaj kub. Twb muab phau ntawv no faus cia rau hauv ib lub toj nyob ze Joseph lub tsev. Phau ntawv no hais txog cov neeg uas nyob sab ntuj Amelikas puag thaum ub. Maulaunais hais tias Vajtswv mam pab Joseph txhais phau ntawv no.
Joseph mus rau tim lub toj ntawd thiab nrhiav tau cov phiaj nyob hauv qab ib lub pob zeb hnyav. Maulaunais tuaj thiab hais tias tseem tsis tau txog sij hawm rau Joseph nqa cov phiaj ntawd mus.
Thaum Joseph loj me ntsis tuaj, Maulaunais ntsib nws tim lub toj thiab muab cov phiaj rau nws. Maulaunais hais kom Jospeh saib xyuas cov phiaj.
Joseph pib txhais cov phiaj ua lus Askiv. Nws twb siv tej cuab yeej tshwj xeeb uas los ntawm Vajtswv kom pab nws txhais. Twb muab Phau Ntawv Maumoos luam tawm nyob rau xyoo 1830. Phau ntawv no qhia txog Yexus Khetos thiab Nws txoj moo zoo.
Phab Ntawv Tha Xim
Kuv Txawj Ua Tim Khawv txog Phau Ntawv Maumoos
Cov duab los ntawm Corey Egbert
Koj yuav ua li cas kom pab lwm tus kawm txog Yexus Khetos hauv Phau Ntawv Maumoos?
© 2025 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly Friend Message, February 2025. Hmong. 19641 295