“Iotebwa Timiti E Karekei Bwaatua Koora,” Te Rao, Beberuare 2025, 26–28.
“I Kona n Riki bwa te Tia Kakoaua Bwa Ana Boki Moomon e Bon Koaua,” Te Rao, Beberuare 2025, 48.
Rongorongon Te Rao ni Katoa Namwakaina, Beberuare 2025
E Karekei Bwaatua aika Koora Iotebwa Timiti
Ko kona ni wareka te karaki aei n Iotebwa Timiti—Rongorongo 1:28–60.
Teniua te ririki imwiin te Moan Mii ni Burabeti, Iotebwa Timiti e namakina te mweengabuaka ibukin kairua ake e karaoi. E tataro nakon Tamara are i Karawa ibukina.
Ngke e tabe n tataro Iotebwa, e kaona nanon te ruu te oota. E noora te anera Iotebwa ae e tei n te eea. Aran te anera bon Moronaai.
E taku Moronaai bwa iai te boki ae karaoki baana man te koora, ke bwaatua. E taunaki i aon te tabuki ae uakaan ma mweengan Iotebwa. Te boki bon taekan rongorongoia aomata ake a maeka n aonon Amerika n taai ake ngkoa. E taku Moronaai bwa te Atua e na buoka Iotebwa n raira te boki.
E nakon te tabuki Iotebwa ao e kunei taian bwaatua iaan te atiibu ae rawawata. E roko Moronaai ao e tuanga Iotebwa e tuai moa n tauraoi n anai taian bwaataua.
Ngke e a ikawai riki Iotebwa, e kaitibo ma Moronaai ao e anganna taian bwaatua. E tuanga Iotebwa Moronaai bwa e na kamanoi.
E moana rairakin taian bwaatua Iotebwa nakon te Ingiriti. E kabonganai bwaai ni mwakuri aika a onoti mairoun te Atua bwa buokana. E boretiaki te boki n 1830 ae Ana Boki Moomon. E reirei rongorongon Iesu Kristo ao Ana euangkeriro.
Te Iteraniba ae na Karanaki
I kona n riki bwa te tia kakoua bwa e bon koaua Ana Boki Moomon
Kamatataan te Tamnei iroun Corey Egbert
Ko na kanga ni buokiia tabeman n reiakina taekan Iesu Kristo n ana Boki Moomon?
© 2025 by Intellectual Reserve, Inc. All rights reserved. Boretiaki i USA. Kariaiakaki te Ingiriti: 6/19. Kariaiakaki rairana: 6/19. Rairan te Monthly Friend Message, February 2025. Kiribati. 19641 859