Ciqoma O Josefa Simici na Peleti Koula

Ni oti e tolu na yabaki mai na iMatai ni Raivotu, a rarawataka o Josefa Simici eso na cala a cakava. A masulaka vua na Tamada Vakalomalagi.

Ni masu tiko o Josefa, a vakasinaita na rumu na rarama. A raica e dua na agilosi ni tucake tu e macawa. Na yaca ni agilosi o Moronai.

A kaya o Moronai ni tiko edua na ivola ka caka mai na draunipepa koula, se peleti. A bulu tu ena dua na delana volekata na vale nei Josefa. Na ivola oqo e baleti ira na tamata era a bula voli e Amerika ena gauna makawa. A kaya o Moronai ni na vukei Josefa na Kalou me vakadewataka na ivola.

A lako o Josefa ki na delana ka raica na peleti koula ena ruku ni dua na vatu bibi. A lako mai o Moronai ka kaya ni se bera ni vakarau o Josefa me kauta.

Ni sa qase cake o Josefa, a sota kei koya o Moronai ena delana ka solia vua na peleti. A tukuna o Moronai vei Josefa me taqomaka.

Sa tekivu vakadewataka o Josefa na peleti ki na vosa vaka Valagi. A vakayagataka o koya na iyaya ni cakacaka digitaki mai vua na Kalou me vukei koya. A tabaki na ivola oya ena 1830 me iVola i Momani. E vakavulica na veika baleti Jisu Karisito kei na Nona kosipeli.

Draunipepa ni Rokarokataki

Sa Rawa Niu Dua na iVakadinadina Ni Dina na iVola i Momani

Droini mai vei Corey Egbert

O na vukei ira vakacava eso mera vulica na veika baleti Jisu Karisito ena iVola i Momani?