Joseph Smith Ne Nsa Ka Sika Mprɛtse no

Mfe ebiasa ekyir a nsa kaa Enyido-adzehu a Odzi Kan no, Joseph Smith dzii yaw wɔ mfom binom a ɔayɛ ho. Ɔbɔɔ mpaa wɔ ho kyerɛɛ Ɔsor Egya.

Ber a Joseph robɔ mpaa no, kan hyɛɛ dan no mu mã. Ohun sor ɔbɔfo a ɔsensan hɔ. Nna ɔbɔfo no ne dzin dze Moroni.

Moroni kãa dɛ nwoma bi wɔ hɔ a wɔdze sika ayɛ ne nkrataafa, anaa mprɛtse. Nna wɔdze esie wɔ koko bi mu a ɔbɛn Joseph ne fie. Nna nwoma no fa nkorɔfo a wɔtsenaa America asaase do mber pii a abasen kɔ ho. Moroni kãa dɛ Nyankopɔn bɔboa Joseph ma ɔakyerɛ nwoma no ase.

Joseph kɔr koko no do na ohun mprɛtse no wɔ ɔbo duudur bi ase. Moroni bae na ɔkãa dɛ Joseph nyɛɛ krado dɛ ɔbɛfa mprɛtse no dɛm aber no.

Ber a Joseph nyinii yie no, Moroni hyiaa no wɔ koko no do na ɔdze mprɛtse no maa no. Moroni kãa kyerɛɛ Joseph dɛ ɔnhwɛ do yie.

Joseph hyɛɛ ase dɛ ɔrekyerɛ mprɛtse no ase akɔ Borɔfo kasa mu. Ɔdze edwindze soronko a Nyankopɔn dze maa no boaa no. Wɔdze nwoma no puee gua do wɔ afe 1830 mu dɛ Mormon Nwoma no. Ɔkyerɛkyerɛ Jesus Christ na N’asɛmpa ho asɛm.

Krataafa a Wɔkekã mu

Mubotum Ayɛ Dasefo Dɛ Mormon Nwoma no Yɛ Nokwar

Corey Egbert yɛɛ nsaano mfonyin no

Ibesi dɛn botum aboa binom ma woesũa Jesus Christ ho asɛm wɔ Mormon Nwoma no mu?