“Josef Smit I Kasem Ol Buk we Oli Mekem Wetem Gol,” Fren, Febwari 2025, 26–28.
“Mi save stap olsem wan witnes se Buk blong Momon i tru,” Fren, Febwari 2025, 48.
Mesej blong Fren Evri Manis, Febwari 2025
Josef Smit I Kasem Ol Buk we Oli Mekem Wetem Gol
Yu save ridim stori ia long Josef Smit—Histri 1:28–60.
Tri yia afta long Fas Visen, Josef Smit i harem nogud from sam mistek we hem i bin mekem. Hem i prea long Papa long Heven abaot hemia.
Taem we Josef i stap prea, laet i fulumap rum ia. Hem i luk wan enjel i stap stanap long ea. Nem blong enjel ia i Moronae.
Moronae i talem se i gat wan buk we oli mekem long ol pej blong gol o ol gol. Oli berem i stap long wan hil kolosap long hom blong Josef. Buk ia i abaot ol pipol we oli bin stap laef long Ol Amerika long taem bifo. Moronae i talem se God bae i helpem Josef blong transletem buk ia.
Josef i go long hil ia mo faenem ol buk we oli mekem wetem gol, andanit long wan hevi strong ston. Moronae i kam mo talem long Josef se hem i no rere yet blong karem ol buk ia.
Taem Josef i kasem stret ej blong karem ol buk we oli mekem wetem gol, Moronae i mitim hem antap long hil mo givim hem ol buk ia. Moronae i talem long Josef blong kipim olgeta i sef.
Josef i stat blong transletem ol buk ia i go long Inglis. Hem i bin yusum ol spesel tul blong God blong helpem hem. Buk ia oli bin pablisim long 1830 olsem Buk blong Momon. Buk ia i tijim abaot Jisas Kraes mo gospel blong Hem.
Pej blong Kala
Mi Save Stap olsem Wan Witnes Se Buk blong Momon I Tru.
Pikja droing i kam long Corey Egbert
?Olsem wanem nao yumi save helpem ol nara wan blong lanem abaot Jisas Kraes insaed long Buk blong Momon?
© 2025 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/19. Oli letem long translesen: 6/19. Translesen blong Mesej blong Fren blong Evri Manis, Febwari 2025. Bislama. 19641 852