Fare Bin Somm’on e Yi’iy

Napan nib fal’yangren Joseph Smith, ma b’or e galasia ni rung’ag nib thilthil e machib riy ku Yesus Kristus. Ma d’ani nang Joseph ko binngan e galasia e nge ’un ngay.

Me yani rboran riy, me bi’eg ko James 1:5 u lane Bible. Me bi’eg ni fa’anra bt’uf e gonop ngak, mange fith Got. Joseph e tay u wan’ ninge rin’.

U lane rran ko spring nrib feal’ y’an, me yan Joseph ngalan e luuway ninge maybil ngak Chitamangin nu Tharmiy.

Ragbug Joseph me tabab ko maybil. Me thamiy e lumar ni yib u gubin yanggin u t’oban. Me rus Joseph. Me ning e ayuw ngak Got.

Mdawi n’uw napan, me guy Joseph ram’en bmagal nibe yib u tharmiy ngabuut’. Me guy Chitamangiy nu Tharmiy nge Yesus Kristus niyow be sak’iy u dakean e nifeng. Chitamangindad nu Tharmiy e pining fithngan Joseph. Ngemu’ me yip pa’ ngak Yesus Kristus me g’ar, “Iraray Fakag ni Pagal Nrib T’uf rog. Motoyil Ngak!”

Yesus e yeog ngak Joseph ndabi ’un ko tiney e galasia.

Joseph era ayuweg nge fulweg yarmen urngin fare gospel nga fayleng.

Ma Joseph e d’ani ki mathukaen’. Make suguy e falfalaen’! Make nang nrib t’uf rok’ Got. B’or e gidii’ nd’ani mich u wan’rad npan ni guy e Chitamangiy nu Tharmiy nge Yesus Kristus, ma ir roek e manang nriyul’.

Babyor ni Yima Achay Yaʼan

Chitamangindad nu Tharmiy e ma Rung’agdad ma kuma Fulweg Taban e Meybil Rodad

Murwel rok’ Corey Egbert

Chitamangiy nu Tharmiy e ii fulweg taban e meybil rok’ Joseph Smith. Ma kura fulweg e pi meybil romed.