Yikyerɛ a Ɛdi Kan No

Berɛ a na Joseph Smith sua no, nsɔre bebree kyerɛkyerɛɛ nneɛma nsonoeɛ faa Yesu Kristo ho. Na Joseph nhunu asɔre ko a ɔnnɔm.

Dakoro bi, ɔkanee Yakobo 1:5 wɔ Twerɛ Kronkron mu. Ɛkaa sɛ sɛ yɛhia nyansa a, yɛbɛtumi abisa Onyankopɔn. Joseph sii gyinaeɛ sɛ ɔbɛyɛ saa.

Ahuhuro berɛ mu da fɛfɛ bi mu, Joseph kɔɔ kwaeɛ mu kɔbɔɔ mpaeɛ kyerɛɛ Ɔsoro Agya.

Joseph buu nkotodwe na ɔhyɛɛ aseɛ bɔɔ mpaeɛ Nanso ɛhɔ ara ɔtee nka sɛ esum bi atwa ne ho ahyia. Ehu bɔɔ Joseph. Ɔbisaa mmoa firii Onyankopɔn hɔ.

Mpofirim, Joseph hunuu hann bi a ɛhyerɛn sɛ ɛrefiri soro aba fam. Ɔhunuu Ɔsoro Agya ne Yesu Kristo sɛ wɔsɛn ewiem. Ɔsoro Agya bɔɔ Joseph din. Afei Ɔde Ne nsa kyerɛɛ Yesu Kristo so na ɔkaa sɛ, “Yei ne Me Dɔ Ba Tie No!”

Yesu ka kyerɛɛ Joseph sɛ mma ɔnnɔm nsɔre no mu biara.

Joseph bɛboa ama wɔde asɛmpa no mahyɛ asan aba asase so.

Joseph adwene anyɛ no ntanta bio. Na anigyeɛ ahyɛ no ma! Ɔhunuu sɛ Onyankopɔn dɔ no. Na nkorɔfoɔ binom nnye nni sɛ wahunu Ɔsoro Agya ne Yesu Kristo, nanso na ɔnim sɛ ɛyɛ nokorɛ.

Ahosuo adwinnie Kratafa

Ɔsoro Agya Te na Ɔbua Me Mpaebɔ

Nkyerɛkyerɛmu firi Corey Egbert hɔ

Ɔsoro Agya buaa Joseph mpaebɔ no. Ɔbɛbua wo nso wo deɛ!