Kasansal Keieuo

Ni ansou me Joseph Smith wia mwahnakapw men, mwomwohdiso tohto padahngki padahk wekpeseng me pid duwen Sises Krais. Joseph sohte ese mehnia mwomwohdiso ahn iangala.

Ehu rahno, e wadek nan Seims 1:5 nan Pwuhk Sarawi E mahsanih ma kitail anahne erepit, kitail kak peki rehn Koht. Joseph pilada en wia met.

Ni rahn kaselel nan spring, Joseph kohla nan welo pwehn kapakap ohng Sahm Nanleng.

Joseph kelepwikihdi oh tepda kapakap. E ahpw kehn rotorot kapilpene ih. Joseph masakada. E peki rehn Koht en sawas.

Ansouohte, Joseph kilangada marain lingaling ketiketidihdo sang nanleng. E kilangada Sahm Nanleng oh Sises Krais keskesihnen nan wehwe. Sahme Nanleng mahsanih eden Joseph. E ahpw ketin idilahng Sises Krais oh mahsanih, “Met iei Sapwellime Ierohs Kompoake. Rong Ih!”

Sises mahsanihong Joseph en dehr iang mwomwohdisoko koaros.

Joseph pahn sawas kapwurehdo unsekpen rongamwahuo pohn sampah.

Joseph sohla pingida. E audaudkihda popohl! E ese me Koht ketin poakpoake ih. Ekei aramas sohte kamehlele me e kilang Sahm Nanleng oh Sises Krais, ahpw e ese me e mehlel.

Wasahn koalor

Sahm Nanleng kin ketin Karonge oh kin ketin Sapeng Ahi Kapakap kan.

Mahlen sang Corey Egbert

Sahm Nanleng ketin sapeng en Joseph Smith kapakap. E pahn pil ketin sapeng ahmw!