Ti Umuna a Parmata

Idi ubing pay ni Joseph Smith, adu a simbaan ti nangisuro iti nadumaduma a banag maipapan ken ni Jesucristo. Saan nga ammo ni Joseph no ania a simbaan ti pagkamenganna.

Maysa nga aldaw, binasana ti Santiago 1:5 iti Biblia. Kunana a no kasapulantayo ti sirib, mabalintayo ti agdawat iti Dios. Inkeddeng ni Joseph nga aramiden dayta.

Iti maysa a napintas nga aldaw iti panagsusulbod, napan ni Joseph iti kakaywan tapno agkararag iti Nailangitan nga Ama.

Nagparintumeng ni Joseph ket rinugianna ti nagkararag. Ngem kalpasanna, nariknana ti kinasipnget iti amin nga aglawlawna. Nagbuteng ni Joseph. Nagkiddaw iti tulong iti Dios.

Pagammuan ta nakita ni Joseph ti maysa a naraniag a lawag a bumabbaba manipud langit. Nakitana ti Nailangitan nga Ama ken ni Jesucristo a nakatakder iti tangatang. Nagsao ti Nailangitan nga Ama nga inawaganna ti nagan ni Joseph. Kalpasanna, intudona ni Jesucristo ket kinunana, “Daytoy ti Ay-ayatek nga Anakko. Dumngegka Kenkuana!”

Imbaga ni Jesus ken ni Joseph a saan a nasken a kumameng iti ania man kadagiti simbaan.

Tumulong ni Joseph iti pannakaisubli ti pakabuklan ti ebanghelio ditoy daga.

Saanen a mariribukan ni Joseph. Napno iti rag-o! Ammona nga ay-ayaten isuna ti Dios. Saan a namati ti dadduma a tattao a nakitana ti Nailangitan nga Ama ken ni Jesucristo, ngem ammona a pudno daytoy.

Panid ti Panagkolor

Denggen ken Sungbatan ti Nailangitan nga Ama dagiti Kararagko

Panangiladawan ni Corey Egbert

Sinungbatan ti Nailangitan nga Ama ti kararag ni Joseph Smith. Sungbatannakayonto met!