Thawj Zaug Ua Yog Toog

Thaum Joseph Smith tseem hluas, muaj ntau lub koom txoos uas qhia ntau yam txog Yexus Khetos. Joseph tsis paub seb nws yuav tsum koom lub koom txoos twg.

Muaj ib hnub, nws tau nyeem Yakaunpaus 1:5 nyob hauv phau Npaivnpaum. Nqe vaj lug kub hais tias yog tias peb xav tau kev txawj ntse, peb yuav tsum thov Vajtswv. Joseph txiav txim siab ua li ntawd.

Nyob rau lub caij nplooj ntoos hlav zoo nkauj, Joseph nkag mus hauv hav zoov mus thov Leej Txiv Saum Ntuj Ceeb Tsheej.

Joseph txhos caug thiab pib thov Vajtswv. Tiam sis nws hnov kev tsaus ntuj nyob ib ncig ntawm nws. Joseph ntshai. Nws tau thov Vajtswv pab nws.

Tam sim ntawd, Joseph pom ib lub teeb ci los saum ntuj los. Nws pom Leej Txiv Saum Ntuj Ceeb Tsheej thiab Yexus Khetos sawv saum huab cua. Leej Txiv Saum Ntuj Ceeb Tsheej hais Joseph lub npe. Ces Nws taw tes rau Yexus Khetos thiab hais tias, “Tus no yog Kuv Leej Tub uas Kuv Hlub. Cia li mloog Nws hais!”

Yexus qhia Joseph kom nws tsis txhob koom tej lub koom txoos ntawd.

Joseph yuav muab txoj moo zoo txum tim rov qab los rau hauv lub ntiaj teb.

Joseph tsis ua xyem xyav lawm. Nws muaj kev xyiv fab! Nws paub tias Vajtswv hlub nws. Ib txhia neeg tsis ntseeg tias nws tau pom Leej Txiv Saum Ntuj Ceeb Tsheej thiab Yexus Khetos, tiam sis nws paub tias muaj tseeb.

Phab Ntawv Tha Xim

Leej Txiv Saum Ntuj Ceeb Tsheej Hnov thiab Teb Kuv tej Lus Thov

Cov duab los ntawm Corey Egbert

Leej Txiv Saum Ntuj Ceeb Tsheej teb Joseph Smith tej lus thov. Nws yuav teb koj thiab!