Ang Unang Panan-awon

Sang bata pa si Joseph Smith, madamo nga simbahan ang nagatudlo sang lainlain nga mga butang parte kay Jesucristo. Wala makahibalo si Joseph kon diin nga simbahan magpamiyembro.

Isa ka adlaw, nabasahan niya ang Santiago 1:5 sa Biblia. Siling diri nga kon kinahanglan naton sang kaalam, pwede kita mamangkot sa Dios. Nagdesisyon si Joseph nga amo ini ang himuon.

Isa ka matahum nga adlaw sang tigpamulak, naglakat si Joseph sa kakahuyan para magpangamuyo sa Amay nga Langitnon.

Nagluhod si Joseph kag nagsugod sa pagpangamuyo. Pero nabatyagan niya ang kadulom sa palibot niya. Hinadlukan si Joseph. Nangayo sia sang bulig sa Dios.

Gulpi lang, nakakita si Joseph sang grabe nga kasanag nga nagapanaog halin sa langit. Nakita niya ang Amay nga Langitnon kag si Jesucristo nga nagatindog sa hangin. Gintawag sang Amay nga Langitnon ang ngalan ni Joseph. Dayon gintudlo Niya si Jesucristo kag nagsiling, “Ini ang Hinigugma Ko nga Anak. Pamatii Sia!”

Ginhambalan ni Jesus si Joseph nga indi mag-entra sa bisan ano nga simbahan.

Magabulig si Joseph nga ipanumbalik ang kabug-osan sang ebanghelyo sa kalibutan.

Wala na nagalibog ang ulo ni Joseph. Napuno sia sing kalipay! Nabal-an Niya nga palangga sia sang Dios. Ang iban nga mga tawo wala nagapati nga nakita niya ang Amay nga Langitnon kag si Jesucristo, pero kabalo sia nga matuod ini.

Ginakoloran nga Pahina

Ang Amay nga Langitnon Nagapamati kag Nagasabat sang Akon mga Pangamuyo.

Drowing ni Corey Egbert

Ginsabat sang Amay nga Langitnon ang pangamuyo ni Joseph Smith. Sabton man Niya ang inyo mga pangamuyo!