Ewe Aewin Nemasepwi

Nupwen Joseph Smith a chok emon anuon, chommong mwichefen ra afanafana mettoch mi sokoffesen usun Jises Kraist. Joseph ese sinei meni mwichefen epwe fitii.

Eu ran, a aneani James 1:5 non ewe Paipen. A apasa ika emon a mochen tipachem, epwe tingor ngeni Kot. Joseph a finata epwe fori ena.

Non eu ningochun soran ewe ran, Joseph a feino nein ewe ira epwe iotek ngeni Samach won Nang.

Joseph a fotopuku ne iotek. Nge a mefi rochopwak a rokopwanieno i. Joseph a nuokus. A tingorei Kot epwe anisi.

Mwitir chok, Joseph a kuna eu saram a feitiw seni nang. A kuna Samach won Nang me Jises Kraist ra uta non asepwan. Samach won Nang a apasa iten Joseph. Iwe, A itini Jises Kraist me apasa, “Iei ii Nei Achengicheng. Ausening ngeni I!

Jises a ereni Joseph esap choni eu me nein ekkewe mwichefen.

Joseph epwe aninis ne eniwinato ewe unusen ewe kapas allim won fonufan.

Joseph ese chiwen osukosuk A uren pwapwa! A sinei pwe Kot mi tongei. Ekkoch aramas rese nuku pwe a kuna Samach won Nang me Jises Kraist, nge i a sinei pwe mi ennet.

Peichen Enuwa

Smach won Nang a Ausening me Ponueni Ai Iotek

Sassing seni Corey Egbert

Samach won Nang a ponueni an Joseph Smith iotek. Epwe pwan ponueni om!