A Jesus a Milsuub e Mlukeroul

Sunga er a Apryl Stott

A Jesus a mlechell el tolechoi. Ngak mak dirrek el mle tolechoi!

Maria me a Joseph a kaingeseu el lomekeroul ra Jesus. Ng techa olengeseu el lomekeroul er ngak?

A Jesus a mlukeroul el ngara osisiu el teletael el uai ngak. Ng mlukeroul er a llomes el reng. Tia belkul a kmo Ngii a siluub a beches el tekoi.

Ng mlukeroul a bedengel. Tia a belkul a kmo ng milrael el mo klou el chad.

Ngii a mlukeroul el mle soal a Dios. Tia a belkul a kmo Ngii a milsuub el kirel a Chedam er a Babeluades. Ngii milsuub el mo meluluuch. Ng milenguiu chedaol llechukl.

Ng mle mukeroul el mle sorir a rechad. Tia a belkul a kmo mlo rengii a resechelil. Ngii a mle bekokuii el mora rebebil. Ng ulngeseu er a rechad ra blil.

Ng sebechek el olengeseu el omekeroul er a uldesuek me a bedengek. Ng sebechek el mesuub el kirel a Dios. Ng sebechek el moungil el sechelei. Ak mo mukeroul el ngara ungil teletelel, el di uaia Jesus!