Kuneakin Tein Aron Au Utu ae Mairoun te Atua: Andrea McConkie

E rangi ni kaokoro taraan au utu ma are I a tia n iangoia. E bua kainnabau n aki maan imwiin marera ma ngaia are I a karikirakeia au utu n ti ngai. Ao I ataa te iango ae "e kaokoro ma are I a tia n iangoia" e aki boou nakoiu. A mwaiti aika a tia n rinanon te namakin anne, ao e kona ni uota te maraki n nano ae bati. Ma iai tabeua bwaai ae I a tia n reiakinna. Iai taai ni koaua inanon boong ke n taian kakaokoro ni kinaakin bain te Atua ni boutokakiu ao n anganakiu te kona ni karaoi bwaai ake I riai ni karaoi aika a kakaawaki ao ake I tangiria ni karaoia Ibukina.

A mwaiti ake a tia n kanoai taian marena ao n tangira ao ni karokoa ana tangira te Atua nakoira n te beku ao i nanon, taian akoi ake ti kainnanoi. Ma are I a tia n reaiakinna bon te riki moa bwa mwakoron te utu ae akea tokina. Ngai natin Tamau are i Karawa te aine, ao E a tia n anganai te reitaki inanon te berita ae tabu are ngkana I kamatoa ao ni karaoi bwaai ni kabane are I kona n kakorakoraai, E anganai bwaai ni kabane ake I kainnanoia ni karikirakea au utu, bwa te tina ae tamaroa, n tangiria ake a riki bwa kaain au utu, naan nako au utu, ana utu te Atua. Ngkana I kakorakora au reitaki n te berita ae tabu, te bwai ae riki e buokai n tatangira riki n aron are E karaoia. Ao ni kona n ataa ana tangira te Atua inanon maiura bon te bwai ae korakora−te bwaintangira ae korakora. Ao ngkana I ataia bwa mwaitira tangirakiu iroun Tamau are i Karawa, arona n taotaona Nanona ibukiu, ao mwaitira ae E tangiria ibukiu bwa n na kaniiai, e karikii reitaki n te utu akanne n rangi ni kakukurei ao ni korakoran ao ni materaoi karaoan te mwakuri iai.

N ai aron namakinan te kakabwaia ni karekea ataakin te Atua ao Ana tangira ibukiu, I kakaitau naba bwa I karekea ao ni kona n reiakina Ana tangira nakoia ake a katabeaki ibukiu ao ake I tangiriia. Anne te bwai ae moan te kakaawaki ae I tangira temanna bwa e na ataia ibukiu bwa I tangira Iesu Kristo. I ataia bwa e ataai Tamau are i Karawa ae tatangira. E irekereke ni waakin nako maiu. Ao bukina ngkai E tangirai bwa N na reitaki ma Ngaia n te berita ae tabu ao ni karaoi rinerine ake a na karikai n ai Aroia, bon bukina ae E tangirai bwa n na tangira n ai Arona. Bon te kakabwaia ae korakora karaoan anne ao kinaakin Baina i nanon te tangira anne.