ʻE Lava ʻe he Ngaahi Fiemaʻu ki he Maaka Seminelí ʻo Fakaloloto e Ului ʻa e Kau Akó kia Sīsū Kalaisí
“ʻOku totonu ke hanga ʻe he meʻa kotoa ʻoku tau faí ʻo fakaloloto ʻetau ului kia Sīsū Kalaisí mo ʻEne ongoongolelei kuo fakafoki maí koeʻuhí he ko Ia ʻa e tali ki heʻenau ngaahi polé mo e fehuʻi ʻa e [kau akó]” (Chad H Webb, “Kau Talafekau ʻo e Ongoongo Leleí”).
ʻOku fakataumuʻa ʻa e meʻa kotoa pē ʻoku tau fai ʻi he Seminelí ke fakahoko ʻa e “Kaveinga ʻo e Seminelí mo e ʻInisititiutí”. ʻOku kau heni ʻa e ngaahi fiemaʻu (credit) ʻi he seminelí. Ke maʻu ha maaka ki he seminelí, ʻe fiemaʻu ke lau ʻe he kau akó ha ngaahi potufolofola kuo filifili, kau ʻi he ngaahi sivi akó, pea hokohoko atu ke ʻalu maʻu pē ki he seminelí.
ʻIkai ngata aí, ʻe poupouʻi ʻe he kau faiakó ʻa e kau akó ke nau fokotuʻu mo vakaiʻi ʻa e ngaahi taumuʻa ako folofola fakatāutahá. ʻE lava ke kau ʻi he ngaahi sīpinga ʻo e ngaahi taumuʻa fakatāutahá ʻa hono lau ʻo e ngaahi vahe mo e ngaahi potufolofola ʻi he Tohi ʻa Molomoná kuo vahe mai ʻi he Haʻu, ʻo Muimui ʻIate Aú. Koeʻuhí ko e natula fakataautaha ʻo e ngaahi taumuʻa ko ʻení, he ʻikai lipooti kinautolu ʻe he kau akó ki he faiakó (pea he ʻikai muimuiʻi kinautolu ʻi he WISE). ʻE lava ke fili ʻe he kau akó ke muimuiʻi ʻenau ngaahi taumuʻá ʻi he mySeminary ke ʻaonga kiate kinautolu.
“ʻE fiemaʻu ha tokanga lahi ange fakafoʻituitui mo fakataautaha mei he kau faiakó. ʻE ngali fakamafasia, ka ko ha mafasia ia ʻoku totonu ke fiefia ʻa e kau faiakó ke nau fua koeʻuhí he ʻoku mahuʻinga tatau pē ʻenau ngāue fakaetauhi fakatāutahá mo ʻenau faiako ʻi he loki akó. Kapau ʻoku ʻi ai ha taha te ne lava ke fai ia, ko hoʻomou kau faiakó te nau lava iá. ʻOku nau fakaʻofoʻofa” (Henry B. Eyring fakaʻaongaʻi ʻe Chad H Webb, “Kau Talafekau ʻo e Ongoongo Leleí”).
Ngaahi Fiemaʻu ki he Laukongá
ʻOku kau ʻi he Ngaahi Potufolofola foʻou ʻo e Seminelí ha meimei peesi ʻe 60 mei he tohi folofola ki he kalasí (peesi ʻe 30 ki he teemi/semesitā angamahení). Kuo filifili fakalelei ʻa e ngaahi potufolofola ko ʻení koeʻuhí ko ʻenau loloto fakatokāteliné pea mo nāunauʻiá. ʻIkai ngata aí, ʻoku totonu ke hoko ʻa e ngaahi potufolofolá ko e tuʻunga ki hono fakakakato ʻo ha ngāue ki ha laukonga naʻe ʻikai lava kimuʻá.
Ko hono lekooti ʻo e laukongá ʻi he WISE
- ʻE fakaʻilongaʻi ʻe he kau faiakó kuo kakato ʻa e laukongá ʻi he WISE maʻá e tokotaha ako takitaha.
Ngaahi Siviʻi ʻo e Akó
ʻI he 2025 ʻoku fiemaʻu ke kau ʻa e kau akó ʻi ha lēsoni ʻe taha pe lahi ange ʻo e Siviʻi Hoʻo Akó lolotonga ʻa e konga takitaha ʻo e kalasí ke maʻu ha maaka ke ʻosi mei he seminelí.
Ko e Lekooti ʻo e Siví ʻi he WISE
- ʻE lekooti ʻe he kau faiakó ha maaka ʻi he WISE maʻá e kau ako ne nau kau ʻi ha lēsoni ʻe taha pe lahi ange ʻo e Siviʻi Hoʻo Akó lolotonga e konga takitaha ʻo e kalasí.
Siviʻi ʻo e Akó ʻi he ʻInitanetí mo e Ako ʻi ʻApí
ʻOku totonu ke fakakakato mo fakahū ʻa e ngaahi ngāue ke fai ʻi he ʻinitanetí mo e ako ʻi ʻapí ʻo hangē ko ʻení:
- Kau Ako ʻi he ʻInitanetí: Fakakakato ha sivi pea fakahū ia ʻo fakafou ʻi he Canvas.
- Fānau Ako ʻi ʻApí: Fakakakato ʻa e siví pea fakahū ia ʻo fakatatau mo e fakahinohino ʻa e faiako ako ʻi ʻapí.
Ko e Ngaahi Tokoni Makehe maʻá e Fānau Ako ʻoku Faingataʻaʻia Fakaesinó
Ko e taumuʻa hono vakaiʻi ʻo e tokoní ke malava e kau ako ʻoku ʻi ai ʻenau ngaahi fiemaʻu paú, faingataʻaʻia fakaesinó, pe ngaahi tuʻunga kau ki he moʻui leleí, ʻo kau ki he siviʻi ʻo e akó ʻi he makatuʻunga tatau mo e kau ako kehé. ʻOku totonu ke fakahoko ʻe he kau faiakó ha ngaahi tokoni feʻunga ke ne feau e ngaahi fiemaʻu pau, faingataʻaʻia fakaesino, mo e ngaahi tuʻunga kau ki he moʻui leleí ʻa ʻenau kau akó. Ako lahi ange.
Ko e Kau Ako ʻOku Nau Kole ke Fakalava e Ngaahi Siví
ʻE lava ke ʻoange ʻe he kau faiakó ki he kau ako ʻoku nau kole ke fakalava e ngaahi siví ki he 2025, ʻa e lēsoni totonu ki he Siviʻi Hoʻo Akó ʻoku maʻu ʻi he fakamatala fakalahi ʻo e tohi lēsoni ʻa e faiako seminelí. ʻE lava ke ʻoange ki he kau akó ʻa e “Siviʻi Hoʻo Akó, Konga 1” ke nau siviʻi ʻa e konga ʻuluaki ʻo e kalasí. ʻE lava ke ʻoange ki he kau akó ʻa e “Siviʻi Hoʻo Akó, Konga 2” ke nau siviʻi ʻa e konga hono ua ʻo e kalasí.
Ki he kau ako ʻoku nau kole ke fakalava ha ngaahi sivi ki he ngaahi taʻu kimuʻá, ʻe lava ke vahevahe ʻe he kau faiakó ʻa e naunau ki he Siviʻi ʻo e Akó ʻoku lisi atu ʻi laló. ʻE lava ke nau fai e sivi fakalavá ʻiate kinautolu pē pe mo ha niʻihi kehe. ʻOku foaki ʻa e māká ʻi he taimi ʻoku fakafoki ai e siví ki he faiakó.
Tohi ʻa Molomoná (2024)
- Fakataukei Fakatokāteline ki he Tohi ʻa Molomoná: Sivi 1
- Fakataukei Fakatokāteline ki he Tohi ʻa Molomoná: Sivi 2
Fuakava Foʻou (2023)
Fuakava Motuʻá (2022)
- Tohi Fakahinohino Ako mo e Siviʻi ʻo e Akó, Sēnesi— Lute
- Tohi Fakahinohino Ako mo e Siviʻi ʻo e Akó, 1 Samuela— Malakai
Kau ki he polokalamá
ʻE maʻu ʻe he kau ako ʻoku ʻikai toe siʻi hifo he peseti ʻe 75 ʻenau maʻu kalasí pe kau mai ʻi he ʻinitanetí ha maaka. ʻOku tāpuekina ʻe he ʻalu ki he seminelí ʻa e kau akó ʻi heʻenau feinga ke hoko ko ha kau ākonga ʻo Sīsū Kalaisi ʻi he kotoa ʻo ʻenau moʻuí.