Tokoniʻi ʻa e kāingalotu ʻi ho uōtí, koló, pe siteikí ke nau maʻu ha loto-falala ange ʻi heʻenau feinga ke ʻofa, vahevahe, mo fakaafé.
Ngaahi Sīpinga ʻo e ngaahi fakataha fakafekauʻaki fakafaifekau fakauiké ʻi he funga ʻo e māmaní.
ʻI he tukutaha ʻa e tokanga homou uōtí ki hono vahevahe ʻo e fiefia ʻo e ongoongoleleí mo e kāingalotu homou koló, fakakaukau ke mou mamata fakataha ʻi he fakamafola fakamāmani lahi ko ʻeni mei he 2021. Hili iá, fakalaulauloto ki he fakaafe ʻa ʻEletā Tieta F. ʻUkitofa ke lotu fekauʻaki mo e meʻa te ke lava ʻo fakahoko ke moʻui ʻaki ai ʻa e ngaahi tefitoʻi moʻoni naʻá ke akó.
Ko e Sāpate nima ʻo e māhiná ko ha faingamālie lelei ia ke ako fakataha ai ko ha uooti fekauʻaki mo e fiefia ʻi hono vahevahe ʻo e ongoongoleleí mo e founga ke vahevahe ai ʻa e maama ko iá ʻi ha ngaahi founga faka-Kalaisí. ʻI he fehokotakiʻanga ʻi laló, te ke maʻu ai ha ngaahi naunau ke tokoniʻi koe ʻi hono palani ha fealēleaʻaki lelei.
Te ke lava ʻo tokoniʻi ʻa e kāingalotu ʻi ho uōtí, koló, pe siteikí ke nau ongoʻi loto-falala ange ʻi hono vahevahe ʻo e ongoongoleleí. ʻOku ʻomi ʻe he akó ni ha fakahinohino ʻaonga maʻá e kau takí ʻi heʻenau akoʻi ʻa e ngaahi tefitoʻi moʻoni ʻo e ʻofá, vahevahé, mo e fakaafé ʻi honau ngaahi haʻofanga lotú. ʻOku maʻu fakafeituʻu ʻa e ngaahi fakamafolá, ʻo kau ʻi he kau leá ʻa ʻEletā Tieta F. ʻUkitofa, ʻEletā Tēvita A. Petinā pea mo ʻEletā Kuenitini L. Kuki.