Doctor injection immunization Asian cute girl patient in hospital health care vaccine

ʻOku Tokangaekina Fēfē ʻe he Siasí ʻa Kinautolu ʻOku Faingataʻaʻiá?

ʻOku faifeinga e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní mo hono kāingalotú ke tokangaekina ʻa kinautolu ʻoku faingataʻaʻiá ʻo hangē ko ia naʻe fai ʻe Kalaisi lolotonga ʻEne ngāue fakafaifekau ʻi he māmaní. ʻOku foaki ʻe he Siasí ha tokoni fakaemāmani lahi mo ha tokoni ki he fānau kotoa ʻa e ʻOtuá mo e ʻamanaki lelei ki hono tanumaki ʻo e moʻui fakafalala pē kiate kitá ʻo fakafou ʻi he ngāue tokoní, fengāueʻaki mo e ngaahi kautahá, mo e ngaahi foakí.

Russell M. Nelson

“ʻE lava ʻe he ongo fekau lahí ʻo tataki kitautolu: ʻuluakí, ʻofa ki he ʻOtuá pea ko e uá, ʻofa ki hotau kaungāʻapí. ʻOku tau fakahaaʻi ʻetau ʻofá ʻi heʻetau tokoní.”

— Palesiteni Russell M. Nelson, Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní

Ngaahi Ngāue Tokangaekiná

ʻIloʻi ʻa e ngaahi ngāue tokoni ʻofa fakaetangata mahuʻinga ʻa e Siasí pea pehē ki he meʻa naʻe fai ʻe he Siasí ʻi he taʻu kuo ʻosí ke tokoniʻi ʻa kinautolu ne faingataʻaʻia ʻi he taʻu kuo ʻosí.

Humanitarian Efforts of the Church

The Church is involved in many efforts that range from employment to mental health to emergency relief. These efforts are intended to provide immediate relief to those in need while building self-reliance so those individuals can serve their communities.

Jesus Christ. Healings. Pool of Bethesda
Russell M. Nelson

“Ko e tokoniʻi ʻo e niʻihi kehé—ngāue fakamātoato ke tokangaʻi ʻa e niʻihi kehé ʻo tatau pe lahi ange ʻi heʻetau tokangaʻi kitautolú—ko hotau fiefiaʻangá ia. Moʻui ʻaki ʻa e fekau lahi ko ia hono uá ko e kī ia ke hoko ai ko e ākonga moʻoni ʻa Sīsū Kalaisí.”

— Palesiteni Russell M. Nelson, Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní

Ko e hā e Founga Te u Lava Ai ʻo Tokangaekina e Niʻihi Kehé?

Te u lava fēfē nai ʻo tokoni ʻi hoku koló?

Te ke lava ʻo tokoni ki he niʻihi kehe ʻi homou koló ʻi ha ngaahi founga lalahi mo iiki! ʻE lava ke tokoni atu ʻa e ngaahi tefitoʻi moʻoni ko ʻení ke ke ʻiloʻi ʻa e feituʻu ke kamata aí:

  1. Kumi ha fiemaʻu: Fehuʻi ki ha niʻihi ʻi homou koló fekauʻaki mo e ngaahi faingamālie ngāue tokoní mo e ngaahi kautaha ʻoku ʻikai fakatupu paʻanga ʻi homou feituʻú.
  2. Fokotuʻu ha ngaahi vā fetuʻutaki ʻoku mahuʻingamālié: Poupouʻi e niʻihi kehé ke nau ngāue mo koe, pea manatuʻi ko e tokotaha kotoa pē ʻokú ke tokonia ko ha fānau ia ʻa e ʻOtuá ʻoku totonu ke fakaʻapaʻapaʻi ʻi he loto-mahino, ʻofa, mo e fakaʻapaʻapa.
  3. Faʻu ha palani: Palani ha ngaahi founga te ne feau ʻa e ngaahi fiemaʻu fakavavevavé mo tokoniʻi e niʻihi kehé ke nau moʻui fakafalala pē kiate kinautolu. Fai kiate koe ha ngaahi fehuʻi hangē ko e “Ko e hā kuó u ʻosi feinga ke fai ke feau ʻaki e fiemaʻu ko ʻení?” Ko e hā e meʻa ʻoku ou loto ke ʻahiʻahiʻí? Ko e hā ʻa e founga, taimi, mo e feituʻu te ke loto ke maʻu mei ai e tokoní?
  4. Vahevahe hoʻo ngaahi aʻusiá: Ueʻi fakalaumālie ʻa e niʻihi kehé ke nau tokoni ʻaki haʻo vahevahe ʻi he ngaahi fepōtalanoaʻaki fakaʻahó pea ʻi he mītia fakasōsialé ʻa e founga kuo liliu ai koe mo e niʻihi kehé ʻe hoʻo tokoní.

Te ke lava foki ʻo maʻu ha ngaahi ngāue tokoni ofi atu kiate koe ʻi he JustServe.org. Vakai pe ʻoku lava ke maʻu ʻa e JustServe ʻi homou feituʻú.

Ko e hā e ngaahi meʻa ke fili mei ai ʻi he ngāue fakafaifekau tokoní?

Fie ngāue fakafaifekau ʻi ha misiona ngāue tokoni? Ko e ngāue fakafaifekau tokoní ko ha faingamālie lelei ia kiate kinautolu, kei talavou pe toulekeleka, ʻoku ʻikai ke nau fie ngāue fakafaifekau malangá. ʻOku ʻi ai ha ngaahi misiona kehekehe ke fili mei ai ke feʻunga mo hoʻo ngaahi fiemaʻú, pe ʻokú ke fie ngāue tokoni mei ʻapi, ʻi ha feituʻu ʻa e Siasí, pe ʻi homou koló.

Hangē ko ʻení, te ke lava ʻo ngāue ʻi he Ngaahi Senitā Tokoni Maʻuʻanga Ngāué, Fale Tukuʻanga Koloa ʻa e Pīsopé, pe faʻoʻanga meʻakaí mo e ngaahi fale ngaohiʻanga meʻakaí. Te ke lava foki ʻo tokoni ʻi he ngaahi kulupu Fakaakeake mei he Maʻunimaá, akoʻi ʻo e ngaahi kalasi moʻui fakafalala pē kiate kitá, pe fakatupulaki ha ngaahi ngāue tokoni ʻofa fakaetangata fakalotofonua. Vakaiʻi ʻa e ngaahi faingamālie ngāue fakafaifekau tokoni hangē ko ʻení mo toe lahi ange ʻi heni.

ʻOku fehokotaki fēfē nai ʻa e tokangaekiná mo ʻeku ngaahi fuakavá?

ʻI he papitaisó, ʻoku tukupā ʻa e kau mēmipa ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ke “fefuaʻaki ʻa [ʻetau] ngaahi kavengá, … tangi fakataha mo kinautolu ʻoku tangí, … pea fakafiemālieʻi ʻa kinautolu ʻoku ʻaonga ki ai ʻa e fakafiemālié” (Mōsaia 18:8–9 Ko hono tauhi ʻo e palōmesi—pe fuakava ko ʻení—ko ha konga mahuʻinga ia ʻo hono tokoniʻi kitautolu ke tau hoko ʻo hangē ange ko Sīsū Kalaisi.

Te ke tauhi fēfē ʻa e fuakava ko ʻeni ke tokangaekiná? Neongo te tau tōnounou ʻi heʻetau muimui ki he sīpinga ʻa Kalaisi ʻo e ngāue tokoni taʻesiokitá, ka te tau kei lava pē ʻo fakamaʻamaʻa ʻa e kavenga ʻa e niʻihi kehé ʻaki ʻetau angaʻofa ʻi hono vahevahe hotau taimí, ngaahi talēnití, meʻa ʻoku tau maʻú, mo ʻetau ngaahi ngāué. Te tau lava ʻo muimui ki he sīpinga ʻa hotau Fakamoʻuí ʻaki hono poupoua mo tokangaekina fakaeloto, ʻiloʻi ʻoku faʻa fiemaʻu ʻe kinautolu ʻoku faingataʻaʻiá ha tali ongoʻi ʻofa pea pehē ki ha tokoni ʻoku ʻaongá. Pea te tau lava ʻo fakahoko ha tokoni ʻi ha founga te ne tokonia e niʻihi kehé ke nau ongoʻi ʻa e ʻofa ʻa e ʻOtuá mo aʻusia ʻa e melinó, ʻo aʻu ai pē ki he ngaahi faingataʻa lahi tahá.

ʻE founga fēfē haʻaku foaki ki he ngaahi ngāue tokoni ʻofa fakaetangata ʻa e Siasí?

Kapau ʻokú ke fie foaki ki he Siasí ke paotoloaki e ngāue ʻa e ʻEikí ki hono tokangaekina ʻo kinautolu ʻoku faingataʻaʻiá, vakai philanthropies.ChurchofJesusChrist.org .

ʻOku ʻikai fiemaʻu ke ʻi ai haʻo paʻanga ke ke fakahoko ha liliu. ʻE lava ke fakamālohia ʻa e niʻihi kehé mo tataki kinautolu ʻi he hala ki he moʻui fakafalala pē kiate kitá ʻi hono foaki ho taimí mo e ngaahi ngāue ke tokonia mo tokangaekina ʻa kinautolu ʻi homou koló. Kumi ha ngaahi faingamālie ngāue tokoni ʻi homou koló ʻi he JustServe.org

Muimuiʻi kimautolu ʻi he Mītia Fakasōsialé

Te ke lava foki ʻo ako lahi ange fekauʻaki mo e ngaahi ngāue ʻa e kāingalotu homau siasí ke tokangaekina ʻa kinautolu ʻoku faingataʻaʻiá ʻaki haʻo muimui ʻi heʻemau ngaahi ʻakauni mītia fakasōsialé @Caring.ChurchofJesusChrist:

Instagram
Facebook