Mikarakara ireo zanak’ Andriamanitra amin’ny alalan’ny fanatsarana ny fanjarian-tsakafo

Amin’ny maha mpikamban’ Ny Fiangonan’i Jesoa Kristy ho an’ny Olomasin’ny Andro Farany antsika dia manao fanekempihavanana isika ny hikarakara ireo zanak’ Andriamanitra rehetra maneran-tany. Ao anatin’izany ezaka izany dia tanjontsika ny hanompo sy hikarakara ny ankizy mba hahafahan’izy ireo mahatratra izay tsara indrindra azon’izy ireo hahatongavana.

— Camille N. Johnson, Filohan’ny Fikambanana Ifanampiana maneran-tany

Fampahafantarana ny fanjariantsakafon’ny zaza

Ny maha-zava-dehibe ny fanjariantsakafo

Ankizy maro maneran-tany no ampahorian’ny vokatra ateraky ny tsifanjarian-tsakafo. Miankina amin’ny sakafo ara-pahasalamana ny fivoarana ara-dalàn’ny atidoha sy ny vatana ary ny fiforonan’ny hery fiarovana, indrindra manomboka izy vao torontoronina ka hatramin’ny 2–3 taona. Raha misy zaza tsy mahazo sakafo ara-dalàna mandritra io fotoana io, dia tsy hitombo araka ny tokony ho izy ny atidoha sy ny vatan’izany zaza izany.

Fikarakarana amin’ny antspiriany ny zaza

Ny Fiangonana dia nanao ezaka mifantoka amin’ny fanampiana zaza maro kokoa hahazo fikarakarana ara-tsakafo amin’ny antsipiriany, ka tafiditra ao anatin’izany ny sakafo mahavelona, rano fisotro ara-pahasalamana, fanampiana amin’ny fahazoana fitsaboana any amin’ireo toeram-pitsaboana misy eo an-toerana ary ireo antony hafa izay manampy ny zaza hanatratra ny fitomboany araka ny tokony ho izy.

Loharanom-pahalalana ho an’ny ray aman-dreny sy ny mpitarika

Ny Fiangonana dia namolavola torolalana maro izay manolotra hevitra sy fampahalalana ho an’ny ray aman-dreny sy ny mpitarika rehefa mikatsaka ny hanampy ireo zaza sy ny fianakaviana izy ireo. Azonao sintonina amin’ny alalan’ny lohahevitra na sintonina eo amin’ny rohy etsy ambany ireo torolalana ireo.

Torolalana ho an’ny fianakaviana	Torolalana ho an’ireo mpitarika
Boky torolalana ho an’ny fianakaviana (Mirakitra ireo torolalana rehetra ho an’ny fianakaviana) Boky sahanasa fandokoana	Tari-dalana voafintina ho fanombohana ho an’ny mpitarika ny rantsana Boky torolalana ho an’ny mpitarika (Mirakitra ireo torolalana rehetra ho an’ny mpitarika)

Malnutrition Resources

Wellness and Nutrition

Prácticas de higiene y seguridad

Jereo ny zavatra ataon’ny Fiangonana mba hanampiana

Mirotsaha an-tsehatra

Miatrika tsy fanjarian-tsakafo ny zaza any amin’ireo fiarahamonina manerana izao tontolo izao. Ampiasao ireo loharano etsy ambany mba hamantarana misimisy kokoa momba ny fanjarian-tsakafon’ny zaza, ny fiantraikan’izany eo amin’ny ankohonantsika, ary ny fomba azonao atao mba hanampiana.

Ahoana no ahafahako mandray anjara?

Afaka mamantatra ireo fomba hanampiana ireo fianakaviana ao amin’ny fiaraha-monina misy anao ianao amin’ny alalan’ny vavaka sy ny fitarihana avy amin’ny Fanahy. Azonao atao, ohatra, ny manome fanatitra amin’ny fifadian-kanina amin-kalalahan-tanana, mirotsaka an-tsitra-po amin’ny fizarana sakafo maimaim-poana ho an’ireo fianakaviana sahirana eo an-toerana, na mahandro sakafo mahavelona ho ana mpifanolo-bodirindrina iray. Raha misy eo amin’ny faritra misy anao, dia azonao atao ny mandray anjara amin’ity ezaka ity amin’ny alalan’ny fitsidihana JustServe.org sy ny fikarohana tetikasa mifandray amin’ny fanjariantsakafon’ny zaza na ny hanoanana.