Nganong ang Kaseguroan sa Pagkaon Mahinungdanon Kaayo sa Nutrisyon ug Kahimsog sa mga Bata
Diha sa 1 Mga Taga-Corinto 3:16-17, giingon nga ang lawas usa ka bililhon nga gasa gikan sa Dios, ug giawhag kita sa pag-atiman sa atong mga lawas. Ang pagkaon nga wala maandam og sakto puweding peligro sa atong kahimsog ug posibling adunay kagaw, mga virus, mga parasito, og mga kemikal nga posibleng maoy hinungdan sa sakit ug gani kamatayon. Ang gagmayng mga bata ilabihan nga daling mataptan niini nga mga sakit. Apan ang kasagaran nga mga sakit nga naggikan sa pagkaon mahimong malikayan pinaagi sa maayong pamaagi sa pag-andam og pagkaon. Gamita ang naandan nga mga pamaagi sa pagseguro sa pagkaon sa ubos aron mamenosan ang tsansa nga mataptan og sakit nga nagagikan sa pagkaon sa imong mga anak.
Nganong ang kaseguroan sa pagkaon mahinungdanon kaayo sa nutrisyon ug kahimsog sa mga bata?
Ang pagkaon nga wala maandam sa saktong paagi mahimong makadala og mga sakit gikan sa pagkaon, nga makabalda sa pagtuhop sa sustansiya ngadto sa lawas. Ang mga bata labing dali nga mataptan niining mga sakit nga nagagikan sa pagkaon, nga posibleng labihan ka peligro sa ilang kahimsog ug maoy hinungdan sa malnutrisyon. Pinaagi sa luwas nga pag-andam sa pagkaon, atong mapaubsan ang tsansa nga mahimong kulang sa nutrisyon ang mga bata gikan sa mga sakit nga nagagikan sa pagkaon.
Unsa ang pipila ka sukaranan nga luwas nga mga pamaagi sa pag-andam og pagkaon?
Sumala sa World Health Organization adunay importanting mga aksiyon nga buhaton aron sa pagseguro nga ang atong pagkaon dili magdala og sakit. Kini naglakip sa:
- Padayon sa pagpanglimpyo. Ang mga kagaw nga anaa sa kamot ug sa mga himan sa pagluto posibleng maadto sa pagkaon.
- Panghugas sa mga kamot, atol sa, ug human sa pag-andam sa pagkaon.
- Hugasi kanunay ang mga kamot human sa paggamit sa kasilyas.
- Hugasi ang mga ibabaw ug ang mga gamit sa pagluto.
- Bantayi ang mga hayop ug mga insekto nga dili makatugdon sa pagkaon ug sa ibabaw nga trabahoanan.
- Ilahi ang hilaw ug luto na nga mga lamas. Ang hilaw nga karne, manok, ug pagkaon gikan sa dagat nga adunay peligro nga pino kaayo nga mga organismo [microorganisms].
- Ilain ang hilaw nga karne, isda, ug manok sa laing mga pagkaon.
- Ayaw gamita ang samang kutsilyo o ang tadtaran nga gigamit sa paghiwa sa hilaw nga mga karne ug sa ubang pagkaon.
- Lutoa og eksakto. Ang init mopatay sa peligro nga mga mikroorganismo.
- Lutoa og eksakto ang mga pagkaon, ilabina ang karne, manok, mga itlog, ug pagkaon gikan sa dagat.
- Pabukala ang mga pagkaon nga sama sa sabaw ug mga linat-an sa dili pa kaonon.
- Bantayi nga anaa sa saktong mga temperatura ang pagkaon. Ang peligro nga mga mikroorganismo modaghan sa temperatura sa lawak [room temperature].
- Padayon nga ang pagkaon init hangtod nga makaon kini. (60° C/140° F)
- Ayaw pasagdi ang luto nga pagkaon nga magpabilin sa temperatura sa lawak sa sobra sa duha ka oras.
- Gamit og segurado nga tubig ug pagkaon. Ang pan-os nga pagkaon ug hugaw nga tubig adunay peligro nga mga mikroorganismo ug mga kemikal.
- Sa pagluto, gamit og tubig nga seguradong mainom.
- Hugasi ang hilaw nga mga utanon ug wala paniti nga mga prutas sa limpyo nga tubig sa dili pa kaonon.
Unsaon nako pagtabang sa uban sa pag-andam og pagkaon sa segurado nga paagi?
Isip usa ka lider o tigpangalagad nga brother o sister, aduna kay kahigayonan nga motabang sa mga miyembro sa inyong kongregasyon nga motuman sa pagseguro sa pagkaon pinaagi sa grupo nga mga kalihokan ug sa ilang kaugalingong panimalay. Ikonsiderar kini ug ang ubang mga ideya samtang mamalandong ka kon unsaon sa pagtabang sa mga miyembro sa inyong dapit.
Tigpangalagad nga mga Brother ug mga Sister
Isip tigpangalagad nga brother o sister, makatabang ka niadtong imong gipangalagaran pinaagi sa pagkat-on ug paggamit sa segurado nga paagi sa pag-andam sa pagkaon sa imong panimalay aron mas makatabang ka sa uban. Ipakigbahin kon unsay imong nakat-onan mahitungod sa kaseguroan sa pagkaon ngadto sa uban, nga walay paghusga ug pagpanaway. Ang luwas nga pagkaon posibleng usa ka sensitibo nga hisgotanan ug sa kasagaran, ang mga tawo naghimo sa labing maayo nga ilang nahibaloan. Ikonsiderar sa mainampoong paagi kon sa unsang paagi nga makatabang ka sa pamilya.
Lokal nga mga Lider
Sa dili pa motabang sa mga miyembro sa inyong dapit, paggahin og panahon sa paghunahuna mahitungod sa lainlaing mga kondisyon sa pagpuyo sa inyong mga miyembro. Aduna bay seguradong mainom nga tubig nag duol ra? Aduna bay tubig sa gripo diha sa panimalay? Aduna bay refrigerator? Paghunahuna og mga pamaagi sa pagtudlo sa mahinungdanong mga punto sumala sa lainlaing mga sirkumstansiya.
Human nimo madeterminar ang mga panginahanglan sa mga miyembro sa inyong ward, makatabang ka sa mga miyembro nga makat-on mahitungod sa mga pamaagi sa luwas nga pagkaon pinaagi sa mga kalihokan sa grupo o pinaagi sa pagpakigbahin kanila og impormasyon mahitungod sa pag-andam og pagkaon.