Pagpalambo sa Nutrisyon sa Bata Pinaagi sa Pagpananom

Ang Dios milalang sa yuta alang sa atong kaayohan. “Oo, ang tanan nga mga butang nga gikan sa yuta, sa panahon niana, gihimo alang sa kaayohan ug sa paggamit sa tawo, aron sa pagpahimuot sa mata ug sa pagmaya sa kasingkasing” (Doktrina ug mga Pakigsaad 59:18). Usa kini ka milagro sa paglalang nga ang mga liso nga gitanom sa yuta motubo ug mahimong mga tanom nga mopakaon kanato.

Ang pagpananom usa ka maanindot kaayong paagi sa paghatag og maayong nutrisyon sa mga bata ug mga pamilya. Ang mga prutas ug mga utanon nga gipatubo sa garden makasuplay og mga sustansiya nga gikinahanglan sa mga bata aron motubo ug molambo og sakto.

Unsa ang mga benepisyo sa pagpananom?

Ang pagpananom usa ka maanindot kaayong paagi sa puno sa nutrina nga mga pagkaon alang sa imong pamilya. Ang pagkaon og puno sa nutrina nga mga pagkaon makatabang sa mga bata nga motubo ug makaugmad sa ilang hingpit nga potensiyal, ug ang mga bata lagmit makakaon og sustansiyado nga mga pagkaon kon motabang sila sa pagpatubo niini diha sa garden. Ang pagpananom usa usab ka paagi sa pagtigom og kwarta ug pagkahimong adunay igong suplay sa kaugalingon alang sa inyong kaugalingong suplay sa pagkaon.

Unsa ang matang sa pagkaon nga angay kaonon sa mga bata?

Ang mga bata kinahanglan nga mokaon og lainlaing klase sa puno sa nutrina nga mga pagkaon. Kini makatabang nila nga magtubo nga kusgan ug himsog ug makalikay sa ubang mga sakit. Ang mga pagkaon nga gikaon sa ubang mga bata kada adlaw dili makahatag og igo nga nutrisyon. Sama pananglit, ang ubang “komon nga mga pagkaon” (sama sa humay) walay igong mga lainlaing klase sa bitamina, mga mineral, ug ubang mga nutrisyon.

Sa sinugdanan, ang mga bata magdumili sa pagkaon og partikular nga himsog nga pagkaon, sama sa luto nga berde nga utanon ug mga prutas. Ang mga ginikanan makatabang sa mga bata nga maanad niini nga mga pagkaon. Makahimo ka niini pinaagi sa pagpadayon sa pagdalit niini nga mga pagkaon ug sa pag-andam niini nga mga pagkaon sa lainlaing mga paagi.

Sa unsang paagi ang pagpananom makapalambo sa nutrisyon sa mga bata?

Ang mga garden sa pamilya mahimong gamiton sa pagpatubo og mga prutas ug mga utanon nga puno sa nutrisyon. Makatabang kini sa pagpalambo sa nutrisyon sa mga bata. Dugang sa mga benepisyo sa nutrisyon, ang pagpananom makatabang sa mga sakop sa pamilya nga makakat-on og mga baroganan sa pagbarog pinaagi sa kinaugalingong paningkamot. Samtang magtinabangay sila, ang pagpananom makaugmad og kooperasyon tali sa mga sakop sa pamilya.

Adunay daghang lainlaing mga paagi sa pag-ugmad og garden, bisan sa ginagmay nga paagi. Pananglitan, ang gagmay nga mga kaang o ubang mga sudlanan mahimong gamiton kon walay magamit nga dagkong mga luna alang sa garden. Ang ubang mga tanom medyo paspas nga mamunga samtang ang uban modangat og pipila ka bulan.

Unsaon nako pagsugod sa pag-ugmad og garden?

Sa dili pa nimo sugdan ang pagpananom, ikonsiderar kon posible ba nga makahimo og garden sa pamilya. Makatabang ba kini sa inyong mga anak nga makakaon og daghang puno sa nutrina nga mga pagkaon? Pagkahuman, magkat-on og maayong naandan nga mga pamaagi sa pagpananom, sama sa pagpili og maayong lokasyon, pagtanom, pag-andam sa yuta, pagkuha og limpyo nga tubig, pagseguro nga mainitan sa adlaw, ug daghan pa.

Samtang magtrabaho sa garden, ikonsiderar usab kon unsaon nimo sa pagtudlo ang imong mga anak sa mga baroganan nga magamit sa ubang mga aspeto sa ilang kinabuhi. Sama pananglit, ang pagpananom makatudlo nila mahitungod sa trabaho, pagpabaskog, ug pasensiya.

Unsaon Pagtabang sa Uban sa Pag-ugmad og Garden

Ang lokal nga mga lider, lakip na sa tigpangalagad nga mga brother ug mga sister sa mga kongregasyon, makagamit niini nga impormasyon aron sa pagtabang sa mga indibidwal nga makasugod sa pagpananom. Ikonsiderar kini ug ang ubang mga ideya samtang mag-ampo ka alang sa giya.

Tigpangalagad nga mga Brother ug mga Sister

• Kon kahibalo mo kon unsaon, i-awhag ug itudlo ang pagpananom ngadto sa mga pamilya nga imong gipangalagaran.
• Ipakigbahin ang abot sa garden ngadto sa mga silingan.

Lokal nga mga Lider

• Pangita og lokal nga mga kapanguhaan nga makahatag og impormasyon mahitungod sa pagpananom. Ang lokal nga impormasyon mahimong mapuslanon kon motabang sa mga pamilya nga mas makasabot sa lokal nga mga tanom, klima, ug mga klase sa yuta.
• Tabangi ang mga pamilya nga magmalamposon sa pag-ugmad og mga garden. Tabangi sa pagpahiluna sa komunidad o indibidwal nga mga luna alang sa garden, nga mahimong maglakip sa mga paningkamot sa organisasyon ug edukasyon.
• Kon posible, kontaka kadtong mga nagmalamposon sa pagsuplementar og nutrisyon pinaagi sa mga abot sa garden. Dapita sila nga mahimong daling maduolan nga mga makatabang para sa uban kinsa gustong magsugod sa ilang kaugalingong garden.
• Tabangi ang mga pamilya nga makakuha sa mga suplay nga ilang gikinahanglan aron mahimong magpalamposon. Labing importante kini sa mga pamilya kinsa maglisod sa pagkuha og suplay sa ilang kaugalingon.
• Pag-organisar og mga workshop diin ang mga tawo makakat-on og mga kahanas sa pagpananom.