Ko Hono Kumi ha Tali ki he Ngaahi Fehuʻi ki he Hisitōlia ʻo e Siasí
Ngaahi Tefitoʻi Moʻoni ki Hono Ako e Hisitōlia ʻo e Siasí
ʻE lava ke tokoni hono ako e hisitōlia ʻo e Siasí ke tau vakai ai ki he toʻukupu ʻo e ʻOtuá ʻi he moʻui ʻo ʻEne fānaú. ʻOku mahu ia ʻi he ngaahi talanoa ʻo e tuí, loto-toʻá, mo e lelei ʻa e Kāingalotu ʻo e Siasí ʻi he kuohilí. ʻI he taimi ʻe niʻihi, ʻokú ne fakahaaʻi foki honau ngaahi vaivai fakaetangatá mo fakahaaʻi e ngaahi faingataʻa ʻoku tau fehangahangai kotoa mo ia ʻi heʻetau feinga ke muimui ʻia Sīsū Kalaisí. ʻE lava ke faʻa ʻohake ha ngaahi fehuʻi ʻi he ʻetau fehangahangai mo e ngaahi faingataʻa ʻo e hisitōlia ʻo e Siasí pe ako fekauʻaki mo e ngaahi meʻa ʻi he kuohilí ʻoku ʻikai tatau mo ʻetau ngaahi ʻamanakí.
ʻOku ʻi ai ha ngaahi tefitoʻi moʻoni lahi ʻe lava ke ne tokoniʻi koe ke fakaloloto hoʻo tuí ʻi hoʻo fekumi ki ha ngaahi tali ki hoʻo ngaahi fehuʻi ʻi he Hisitōlia ʻo e Siasí.
ʻOku ʻi ai ha ngaahi tefitoʻi moʻoni lahi ʻe lava ke ne tokoniʻi koe ke fakaloloto hoʻo tuí ʻi hoʻo fekumi ki ha ngaahi tali ki hoʻo ngaahi fehuʻi ʻi he Hisitōlia ʻo e Siasí.
Ngaahi Fehuʻi Angamaheni ʻi he Hisitōlia ʻo e Siasí
ʻOku fekumi ʻa e Siasí ke ʻoatu ha ngaahi tali falalaʻanga ki he ngaahi fehuʻi angamaheni fekauʻaki mo e hisitōlia ʻo e Siasí. ʻE lava ke maʻu e tali ki he ngaahi fehuʻí ni mo ha niʻihi lahi ange ʻi he tafaʻaki “Ngaahi Tefitó mo e Ngaahi Fehuʻí” ʻi he Gospel Library.
Ngaahi Maʻuʻanga Tokoni Kehe ki Hono Kumi ʻo e Ngaahi Talí
Mahalo ʻoku ʻi ai haʻo fehuʻi kehe ʻa koe mei he niʻihi ʻoku lisi atu ʻi ʻolungá. ʻOku tatau ai pē pe ko hoʻo fehuʻi fekauʻaki mo e hisitōlia ʻo e Siasí ʻoku faingofua pe faingataʻa, ka ʻe lava ke tokoni atu e ngaahi maʻuʻanga tokoni ʻi laló ke ke kamata ai ke kumi e ngaahi tali ʻokú ke fekumi ki aí.
Maʻu ha fakamatala lahi ange mo e puipuituʻa fekauʻaki mo e kakaí, ngaahi meʻa naʻe hokó, mo e ngaahi feituʻu mei he hisitōlia ʻo e Siasí.
Lau ha ngaahi ʻēsei ʻi ha ngaahi tefito ʻoku faʻa maʻuhala ai e tokolahi ʻi he hisitōlia ʻo e Siasí.
Kapau ʻoku teʻeki ai pē ke ke maʻu e fakamatala ʻokú ke fekumi ki aí, ʻe lava ke tokoni atu ʻemau kau tauhi lekōtí, laipelí, mo e faihisitōliá.