Peresidenira’a Mātāmua

E mau ’āpōsetolo nā Iesu Mesia te mau melo nō te Peresidenira’a Mātāmua. Mai te tahi atu mau ’āpōsetolo, e mau ’ite ta’a ’ē rātou nō Iesu Mesia, tei pi’ihia nō te ha’api’i i tōna parau ’e nō te parau pāpū nō na ’ati nō a a’e te ao nei. E rātere pinepine rātou, ma te paraparau ’e te fa’aitoito i te mau ’āmuira’a rarahi o te mau melo o te ’Ēkālesia ’e te tahi atu mau ta’ata, ’e ma te fārerei ato’a i te feiā fa’atere o te ’Ēkālesia. E tītau rātou i te arata’ira’a nō ’ō mai ia Iesu Mesia ’a ha’apa’o ai rātou i te mau ’ohipa ’o tē tauturu e rave rahi mirioni melo nā te ao ato’a nei. I roto i te reira ’ohipa, tē vai ra te ’ohipa misiōnare, te tauturura’a i tō te ao nei, te tāvinira’a i roto i te hiero, te ha’api’ira’a ’evanelia, ’e e rave rahi atu ā.

’Ua riro nō a te ’āpōsetolo matahiapo ’ei Peresideni nō te ’Ēkālesia—’o ’oia ’o tei tāvini i roto i te pupu nō te Tino ’Ahuru Ma Piti ’āpōsetolo nō te tau maoro roa a’e. ’Ia pohe ana’e te hō’ē peresideni o te ’Ēkālesia, e riro mai te ’āpōsetolo matahiapo nō muri iho ’ei Peresideni nō te ’Ēkālesia ’e e mā’iti ’oia i nā tauturu nō te tāvini i pīha’i iho iāna i roto i te Peresidenira’a Mātāmua. nō a atu ’ua pāturuhia te mau melo ato’a nō te pupu nō te Tino ’Ahuru Ma Piti ’āpōsetolo ’ei « peropheta, hi’o, ’e heheu parau », e fa’a’ohipahia te parau « te peropheta » nō te Peresideni o te ’Ēkālesia.

Nā roto i te mau poro’i fa’auruhia a te Peresidenira’a Mātāmua ’e te pupu nō te Tino ’Ahuru Ma Piti ’āpōsetolo, ’ua hōro’a te Fatu i te ha’api’ira’a i tāna ’Ēkālesia, ē tae nō a atu i te arata’ira’a nō te tauturu i te mau melo i te mau ’ati tā rātou i fa’aruru i roto i te orara’a.

’Ua fa’anahohia te Peresidenira’a Mātāmua i te mātāmua e Iosepha Semita, te peropheta mātāmua nō te ’Ēkālesia.